tum yoon hi samajhnaa ke fanaa mere liye hai
par ghaib se saamaan-e-baqaa mere liye hai
paighaam milaa thaa jo Husain ibn-e-Ali ko
khush hoon wahee paighaam-e-qazaa mere liye hai
tauheed to ye hai ke Khudaa hashr men keh dey
ye bandaa do aalam se khafaa Mere liye hai
hai zulm bohot 'aam teraa magar phir bhi sitamgar
makhsoos ye andaaza-e-jafaa mere liye hai
hain yoon to fidaa abr-e-siyah se sabhee maikash
par aaj ki ghanghor ghataa mere liye hai
hoon laayaq-e-ta'zeer par ilzaam hai jhootaa
mujrim to hoon beshak pe khataa aur hi kuchh hai
khud Khizr ko Shabbeer ki us tashna labee se
ma'loom huaa aab-e-baqaa aur hi kuchh hai
yoon qaid se chhutney ki khushee kis ko na hogee
par terey aseeron ki du'aa aur hi kuchh hai
ye sadar nasheenee ho mubaarak tumhen 'jauhar'
lekin silaa-e-roz-e-jazaa aur hi kuchh hai
