Ghazal

- 'Faani' Badayuni

qabr men jab kisee tarah dil ki tarap na kam hui
yaad-e-kharaam-e-naaz ne hashr ka aasraa diya

yoon na kisee tarah katee jab meri zindagee ki raat
chher ke daastaan-e-gham dil ne mujhe sulaa diya

giriya-e-aatisheen ki daad de shab-e-gham to kaun de
khud sar-e-shaam kyaa bujhi shama ne dil bujhaa diya

yaas ne dard hi nahin haq to ye hai dawaa bhi di
'faani'-e-naaummeed ko maut ka aasraa diya