e-pos: deadlink@dead.link

Ons kan u help met u vertaalbehoeftes tussen die tale Afrikaans en Engels. Wil u 'n teks in die ander taal hê? Het u 'n voorlegging in die tweede taal nodig? Of dalk wil u slegs die basiese betekenis van 'n anderstalige dokument weet?

Ons kan u help! As Suid-Afrikaners wat tweetalig grootgeword het, wat elke nuanse en elke klein betekenissie van elke woord en sinsnede in albei tale ken, is ons verseker die regte persone om enige iemand met hul vertalings of proefleeswerk te help.

Vir enige taalwerk tussen die tale Engels en Afrikaans, of selfs binne slegs een van hierdie tale, sal ons vir u kan help. Ons het verskeie dienste beskikbaar:

• Vertaling: Ons kan vanuit Afrikaans na Engels, of vanuit Engels na Afrikaans vertaal. Dit sluit natuurlik tegniese werk in. Tegniese werk neem gewoonlik effens langer om te voltooi
  
• Taalversorging (oppervlakkig): Ons kan deur Engelse óf Afrikaanse tekste lees en kyk vir spel- en grammatikafoute, sowel as growwe of ooglopende stylfoute. In tegniese werk kan ons ongelukkig nie die akkuraatheid of juistheid van die inhoud self nagaan nie.
  
• Taal- en Stylversorging (volledig): Volledige taalversorging verskil van oppervlakkige taalversorging daarin dat ons ook stylfoute regmaak, en ook kyk vir topologie- en uitlegfoute. Waar 'n woord onvanpas klink stel ons alternatiewe voor. Indien 'n brief effens lomp vir die doel daarvan is kan ons daarop kommentaar lewer, en alternatiewe aanbeveel. (kyk ook kopieskryf)
  
• Oppervlakkige "vertaling": Hierdie is 'n soort vereenvoudigde vertaaldiens. Ons maak 'n vinnige vertaling/interpretasie van die teks, en skryf 'n volledige opsomming van elke sin of paragraaf. Hierdie diens is nuttig indien 'n volledige en presiese vertaling nie nodig is nie, maar slegs die basiese betekenis van 'n teks of dokument benodig word. Hierdie soort vertaling is eintlik bedoel vir mense wat die dokument se taal glad nie verstaan nie -- die vertaling is baie basies en amper telegramstylagtig.
  
• Kopieskryf: Ons kan u help met verskeie kopieskryfbehoeftes. Ons is veral gekwalifiseerd om advertensieteks te vertaal, asook om voltooide kopie te taalversorg en op kommentaar te lewer. Ons herskryf ook briewe en ander dokumente om hul beter by hul funksies te laat pas.
  

Ons mik altyd vir die hoogste standaarde van vakmanskap. Ons is baie trots op ons vermoë om 'n produk of diens te lewer wat vergelykbaar is met die beste in die wêreld. Die meeste van ons medevertalers het taal- en vertalingsgrade en -diplomas.

Vir Afrikaanse tekste... gebruik ons altyd die standaarde wat deur die Suid-Afrikaanse Akademie vir Wetenskap en Kuns neergelê word. Die Akademie se gesaghebbende reëlboek, die "Afrikaanse Woordelys en Spelreëls" vorm die grondslag waarop ons bou.

In gevalle waar die reëlboek dalk vaag of niespesifiek is, maak ons altyd seker ons vertalings is prakties en verstandig, in lyn met die gees van die Akademie se doelwitte.

Vir Engelse tekste... volg ons die spel- en grammatikareëls vervat in standaardwerke wat deur die hele Engelse gemeenskap aanvaar word. Vir spelling, grammatika en styl volg ons die reëls van Collins en Oxford. Suid-Afrikaanse Engels volg gewoonlik die Britse stelsels. Ons is ook altyd daarop attent wanneer ons vir 'n nie-Suid-Afrikaanse mark skryf dat ons Suid-Afrikanismes vermy.

Vanweë die baie wisseling in die internasionale Rand-wisselkoers mag dit wees dat fooie vir plaaslike kontrakte baie van die oorsese fooie verskil. Oorsese fooie word in Pond Sterling aangegee op ons internasionale webwerf, maar ons gee nie eintlik om watter geldeenheid gebruik word nie.

Ons vra ook verskillende bedrae vir verskillende hoeveelhede werk. Vir 10 of meer bladsye is die prys rofweg twee-derdes van die gewone prys, en vir 25 of meer bladsye is dit rofweg half die gewone prys per bladsy.

Alhoewel ons ons pryse per bladsy aangee, volg ons die erkende gebruik deur 400 woorde per bladsy te veronderstel, wat beteken dat ons eintlik per 400 woorde, of gedeelte daarvan, vra.

Vir volledige vertaling (algemene tekste)...

• R30,00 per bladsy
  
• (tien of meer bladsye, R20,00; vir 25 of meer bladsye, R15,00)
  

Vir volledige vertaling (tegniese tekste)...

• R40,00 per bladsy
  
• (tien of meer bladsye, R30,00; vir 25 of meer bladsye, R25,00)
  

Vir kopieskryf...

• R30,00 per bladsy
  
• (tien of meer bladsye, R20,00; vir 25 of meer bladsye, R15,00)
  

Vir oppervlakkige "vertaling"...

• R20,00 per bladsy
  
• (tien of meer bladsye, R15,00; vir 25 of meer bladsye, R10,00)
  

Vir volledige taal- en stylversorging...

• R20,00 per bladsy
  
• (tien of meer bladsye, R15,00; vir 25 of meer bladsye, R10,00)
  

Vir oppervlakkige taalversorging...

• R15,00 per bladsy
  
• (tien of meer bladsye, R10,00; vir 25 of meer bladsye, R7,50)
  

Betaalwyses

Ons aanvaar gewoonlik enige betaalmetode wat vir albei partye geskik of maklik is. Vir langer afstande is dit gewoonlik deur middel van geregistreede pos, hetsy kontanttjek (wat ons verkies) of persoonlike tjek, of deur bankoordrag. Waar dit gerieflik is, en so aangevra word, kan aflewering en betaling sommer gelyktydig persoonlik geskied.

By uitsondering is pryse onderhandelbaar, veral by vertaalwerk van meer as 50 bladsye.

Ons nooi u hartlik uit om ons per e-pos, telefoon of gewone pos te kontak. Ons het geen voorkeur as dit by kommunikasiemetode kom nie. Ons lees gewoonlik e-pos eenmaal per dag, om 23:00.

Ons telefoonnommer is: (021) 948-6562 (vra vir Samuel Murray).
Ons e-posadres is: deadlink@dead.link.
En ons gewone posadres is: Sultanastraat 20; 7530 BELLVILLE.

Ons het verskeie vertaalmedewerkers. Gewoonlik sal al die werk deur myself, Samuel Murray, gedoen word, maar ek kan ook uitkontrakteer aan een van my kollegas. Die finale kontrak is tussen die kliënt en myself, tensy waar anders gereël.

Sommige van ons medetaalprakteurs...

Samuel Murray, Nat. Dipl. Taalpraktyk (1995), SAVI (1629) nie-geakk.
Algemene werk, tegniese tekste, en veral rekenaarverwante tekste.

M. Webber, Nat. Dipl. Taalpraktyk (1997)
Algemene werk, veral ook akademiese tekste.

Ander vertalers en taaldienste...

Logos Vertaaldienste behartig vertalings tussen die tale Nederlands, Duits, Frans, Portugees, Spaans en Engels. Hulle kan ook dokumente vanuit Afrikaans na enige van hierdie tale vertaal. Hulle webwerf is by www.afrikaner.co.za/vertalen.

I am a member	(c) Samuel Murray, 1998 smurray@mweb.co.za http://www.afrikaner.co.za/termwerf/leucette.html werf geskep: 1998-09-03 werf hersien: 1998-09-03
	.	.