史諾比與查理舊事記 (3)
6th August, 1999 to 8th March, 1999
1999年8月6日
近排搵o野做真係搵到無晒心機, 每當聽到有多一個人搵到o野做o既時候, 個心一方面戥佢o地開心, 但係另一方面又更加令自己擔心. 不過每次有得in o既時候, 個心又會覺得有一次機會, 加埋o係呢排當我好灰心o既時候, 身邊o既朋友都好好咁安慰我. 支持我, 老土講句, 真係好多謝佢o地 = )......最開心係聽到布布搵到o野做, 仲自動自覺出聲話請食飯, 哈哈, 完全唔駛屈, 哈哈哈哈......同傻婆Cat傾電話傾到發o左神經, 淨係識大笑, 仲攪到我認錯人, 鬼死咁瘀......=P
1999年8月7日
人o地話財散人安樂, 但係點解我財散之後仍然唔安樂呢? 人o地愛情事業兩得意, 點解我咩都係咁失意呢? 至少比我可以搵到o野做都好, 但係偏偏就係無......今日同傻婆Cat行旺角行到腳都軟埋, 聽朝都唔知知唔知醒起身同媽咪飲茶o添, 成日放假都唔陪佢o地飲茶, 好似好衰女......
1999年8月8日
成日都留o係屋企, 基本上都無咩好記, 總之一句......"悶"! = (
1999年8月9日
坐足半日, 基本上都悶到嘔電, 加埋聽到Brenda都搵到o野做, 真係心都實埋, 可憐......~_~
1999年8月11日
越來越覺得自己個homepage唔見得人, 但係學整個新o既又需要一段時間, 一定要加油, 努力!
1999年8月13日
今日積極番少少啦, 下晝in完番到屋企又打信, 因為上個禮拜實在寄得太少信啦......有時in得多, 都會o諗番一個問題, 就係唔明點解D老闆硬係唔請fresh grad, fresh grad又平又正, 又肯學肯捱, 點解大家就係因為佢o地無經驗就唔請佢o地呢? 工作經驗唔係一出世就有, 係要有人比機會佢o地試先會累積到o架! 有好多老闆以前都可能係U grad, 都試過做fresh grad, 都應該知道做fresh grad o既苦況o者! 希望快D有老闆肯賞識o下我呢個fresh grad啦! = )
1999年8月14日
等o左成朝, 本來o諗住無機o架啦, 哈哈, 點知臨尾埋門一腳有機喎, 真係好開心呀, 雖然唔係做長, 但係都叫有機會, 可能自己唔係first choice, 但係都算好好彩啦! 我一定會好俾心機做o架啦! = ))
1999年8月15日
人老o左, 學o野o既速度亦同時慢o左好多......唔該各位用緊Win98 o既至愛幫幫手, 我有個research要搵用緊Win98 o既人, 請各位至愛自動投案, 協助小女子渡過本週難關! 無以為報(但係唔會以身相許), 感激不盡!
1999年8月18日
終於搵到o野做啦, 真係好開心, 不過開心之餘, 又有D擔心, 擔心自己唔夠料.
最擔心係比人屈我請食飯, 嘻嘻= P.....呢幾日變化真係好大呀, 由量地到搵到份temp,
由做temp到搵到份長工, 一切都係由無變到有, o係我近排覺得最灰心. 最失意果陣有兩個咁好o既消息,
真係好開心, 好多謝咁耐以o黎安慰過我. 鼓勵過我o既人. 聽o左我講咁多廢話,
包括我
o既屋企人同朋友, 我都唔知講D咩啦, 總之就係多謝你o地啦! = )
1999年8月19日
呢幾日番工都好開心, 因為D同事個個都好好人, 個個都肯教我o野, 加埋公司好free, 做咩都無咩人理, 只要你做晒份內事就得o架啦, 所以無咩壓力, 好開心......每一日都會經過Times Square間麥記, 每一次經過果陣都見到好多人等人, 又會o諗番自己原來成日做比人等果個, 之後又會o諗番好多o野, 尤其係D唔開心o既o野, 不過好在我好快唔記得D唔開心o既o野唧! = )
1999年8月20日
話咁快就過o左五日, 番工o既生活雖然辛苦, 但係學識好多o野, 見多好多o野,
D時間唔會再係無無聊聊咁過o左去, 又識o左一班好好人o既同事, 過多兩日, 又要番份新工啦,
又係一個新環境. 新開始......暑假就快過完, 從此之後就大個女啦, 真真正正要出o黎做o野.
有時都好矛盾, 一方面好想放番一個禮拜假期先, 但係另一方面又知道如果唔做o野個人就會好頹廢,
點都好啦, 有o野做, 生活過得充實D, 可以自己有機會變得成熟D, 唔會再係人o地口中o既細路女lu!
= )
1999年8月21日
終於番完六日工啦, 臨走果陣, 真係覺得有少少失落感, 一來係班同事好人啦, 二來又o諗, 下個禮拜又要面對一班新同事, 驚會唔習慣番長工o既感覺......未番工已經破產, 一日?面買o左一套衫. 一條裙. 一對鞋, 做temp果份人工所餘無幾, 未出糧已經大出血, 但係唔買又唔得, 因為實在搵唔到一套似樣D o既衫番工......真係開心啦, 知道衰婆Dilys搵到o野做, 大家一齊失業, 一齊得業, 真係值得高興, 所以我o地已經決定o左聽日冒住打風都去唱K, 實行大家番工之前玩盡佢! = )
1999年8月22日
打o左成日風, 本來約o左慶祝十週年紀念, 但係都要cancel, 無癮......打風無咩好做, 傾足成日電話, 知道Rosan番o左o黎, 真係好開心......飛機失事, 有死有傷, 真係覺得有D down, 希望唔會再有咁o既事發生啦!
1999年8月23日
黑色暴雨警告比o左半日假期我, 第一日正式番工就咁橋, 真係難忘......D新同事個個都好好, 反而覺得自己表現唔係好掂, 聽日真係要比D心機, 做o野快快手手, 精精靈靈至得啦!
1999年8月24日
第二日番工, 居然又係黑色暴雨警告, 真係唔知自己究竟係咪貴人= P......終於約o左星期六食飯, 但係今次仍然係唔齊人, 唯有希望下次齊啦! = )
1999年8月27日
前兩日番到屋企都好眼訓, 無咩時間update o下個homepage, 番工o既生活真係好有規律, D時間過得有意義o左, 又番得開心, 晚晚到o左十二點零鐘就好想訓, 原來做一個中環OL都唔易 ......今日聽個sales manager講o左一大輪, 佢講得又快. 又多o野, 加埋D o野自己又唔熟, 我相信佢講o左咁耐我淨係吸收o左一成, 我已經好留心聽o架啦! 但係可能自己吸收得慢啦, 一定要比多D心機學至得啦, 唔可以再好似以前咁烚o下烚o下啦! = P
1999年8月28日
約o左傻婆Dilys行街, 點知估計錯誤, 無帶遮, 攪到冷親, 個人"榮o下榮o下"......行o左成日,行到腳都軟埋,
由尖咀行到旺角, 再由旺角行到荃灣, 真係人都癲 = P......不過夜晚食飯好開心呀,
一來係Carol生日啦, 二來又係大家放完暑假前o既最後一次食飯lu, 最衰Zenia無
o黎啦, 一定係同Carol前世"changed their bones", 哈哈 = )
1999年8月31日
估唔到自已咁鬼唔掂, 星期六淋完雨等到擒日先o黎感冒, 攪到要早走半個鐘, 開頭仲o諗住可以死撐到放工, 但係最後都係唔得, 終於要訓足成晚至好, 病原本真係好辛苦. 好淒涼o架!
1999年9月2日
本日金句: 經一事, 長一志.
1999年9月3日
晏晝同Rosan同Morning去食飯, 下個禮拜Rosan就要走, 又要等到十二月先會再見到佢lu ......真係比部洗衣機玩死, 話o左搵人整, 突然之間佢又好番, 真係激死人......有無攪錯呀, 咁難得等到星期六放假又打風, 唔通同真係番o左工兩個禮拜就打兩次風咁正? = P
1999年9月4日
同Cat姐即興去一去街, 又唔見幾舊水, 不過都用得開心o既, 尤其係隻錶, 真係越睇越鍾意......嘻嘻 = P
1999年9月5日
今日打比Brenda, o諗住問o下佢番工番成點啦, 點知佢話比我聽好辛苦喎, 真係估到 ......加埋睇報紙見到D唔晒咁好o既消息, 個心硬係覺得好唔安樂......今日突然發覺自己原來都好幸福, 好在唔如意o既事, 原來相比起其他人o既問題, 簡直係微不足道, 原來我真係咁好彩o既. = )
1999年9月7日
聽到一個都幾得人驚o既消息, 認真嚇到唔識出聲, 希望唔係真o架啦!
1999年9月9日
唉, 今日真係好唔掂, 樣樣o野都唔順利, 攪到心情好鬼差, 尤其係放工果陣一個人o係中環行, 更加覺得唔開心, 好在知道之後果兩日都會有節目, 先至開心番少少......原來Cat姐西曆生日咁o岩又係媽咪農曆生日, 真橋! = )
1999年9月10日
四個傻婆去o左銅鑼灣, 食飯果陣大笑o左一輪, 十周年演唱會攪唔成, 竟然走o左去seaview麥記, 真奇怪......又有一個墮入情網唔肯認o既人, 偏偏又將張相擺o係銀包, 都唔知有心定無意, 二五仔知道又唔講, 睇o黎一定要嚴刑逼二五仔講真說話至得! = P
1999年9月15日
唔知點解, 今日一聽到話會掛八號風球就一枝箭咁走o左, 點知原來係流料, 嘻嘻, 都唔知場風打唔打得成. = P
1999年9月18日
今日竟然有人話我似讀Form Four喎, 都唔知係開心定唔開心 = P......覺得自己學o野好慢, 唔掂唔掂, 要再勤力D至得啦!
1999年9月28日
成十日無update過日記啦, 一來係因為唔多得閒啦, 二來係部機又比自己手多多攪到要搵人format過啦, 三來個人又開始作病啦, 總之樣樣都唔掂......離畢業o既日子越o黎越近, 好多人話送o野比我, 但係相信吹水或者隨口嗡o既居多, 我都唔會再抱咩希望lu, 呃人o既! = (
1999年10月7日
一個唔覺意又到十月, 部機又壞o左成半個月, 呢個月......唔......有開心, 有唔開心, 開心o既係識到一大班新同事啦, 唔開心係因為好多o野啦, 有時間再同大家講啦!
1999年10月9日
今日又係一個禮拜番工o既最後一日, 有D開心, 亦有D擔心, 因為有屋企人入o左醫院, 希望佢快D好番啦!
1999年10月14日
部電腦已經壞o左成個月有多, 但係仍然唔想搬番公司搵人整, 嘻嘻, 真係懶啦......已經無玩ICQ成個月啦, 以前晚晚玩到三更半夜, 而家唔夠十二點就想訓覺, 真係天淵之別, 生活充實o左好多好多, 加埋今日老闆話加人工, 好開心呀! 不過近排又唔知點解, 有D唔開心, 工作上有成功感, 但係生活就太過簡單, 真係好想有個關心自己o既人, 但係真係一D都唔容易......就快畢業, 但係一份畢業禮物都未收到, 唔該大家快D有表示, 多謝合作! 嘻嘻! = P
1999年10月21日
今日真係忙到嘔晒電, 一日都無停過落o黎, o岩o岩先病好番少少, 又做到死, 有時真係唔知係忙好定係唔忙好......擒晚同個friend講開, 一方面覺得好同情佢, 另一方面又覺得好多o野係靠自己爭取o既, 真係好矛盾, 希望佢o既問題快D解決到, 開開心心啦......我近排都無咩時間online喇, 大家得閒就send個貓比我啦! = )
1999年10月27日
搬o左去新公司, 環境好o左好多, 無咁逼, 不過始終都係唔習慣......病o左成個幾禮拜仍然未好, 個人成日都覺得有D唔妥, 好驚會變大病, 但係要番工, 邊有咁多時間去睇醫生? 唉, 唯有等佢自然好啦......畢業禮一日一日近, 心情好興奮, 快D送禮物比我啦!!! = )
1999年11月3日
今日心情變化好大, 突然好大決心做o左一個決定, 可能只係一時之氣, 但係今日o既情況實在令到我無辦法唔咁o諗, 都係算啦......~_~
1999年11月6日
日日都做, 終於有番半日抖一抖, 正! = )......Susanna同Cat姐都有畢業袍啦,
都唔知點解我仲未有o既, 我都好想快D影第一次(可能係最後一次)大學畢業相呀!......仍然未o諗得掂下一步應該點做,
有DD灰心, 都無時間去o諗, 希望遲D會好D啦!......唉, 又講錯o野, 下次一定要改!!!......同個friend講開,
佢又轉o左工, 真係好唔明白, 可能咁樣先可以真真正正搵到一份好適合自己o既工啦.
有時o諗番, 真係唔知而家份工究竟o岩唔o岩自己, 希望o岩啦!......雖然好多o野做,
但係仍然覺得好無聊......成日個人都好似無無謂謂咁, 做餐死都唔知為咩, 唔開心咁又點?
學得文哥話齋, 咩都要憂, 幾時到老? 但係又唔知點解會憂.?_?十一月, 又係一個開始,
希望快D無晒D衰運, 同埋D唔開心o既o野啦, 成日都開開心心就好啦!
= )
1999年11月9日
講o左咁耐, 終於做到決定, 不過仍然好矛盾, 一方面好想個plan行得通, 另一方面又唔係好想, 但係姑且都搏一搏啦! ~_~
1999年11月10日
無o諗過咁快有消息, 姑且搏一搏, 有消息同無消息都會好好考慮下啦! 好矛盾o添......
1999年11月12日
近排好多o野做, 跟本無一日唔駛OT, 放工之後, 就真係好想做番D畢業前應該準備o既o野, 要買衫啦. 買鞋啦. 剪頭髮啦. 租袍啦. 影相啦, 但係實在抽唔到時間去做......表哥同公司o既同事同一個禮拜結婚, 但係仲未有時間去買番套飲衫, 聽日一定要同小英去買至得......中o左三百蚊六合彩, 仲未收錢......好忙......有錢唔得閒收, 不過大家要送畢業禮物比我o既話, 我包保一定有時間收, 時間任擇, 嘻嘻嘻嘻...... = P
1999年11月16日
同事之間意見不和可以點做, 我都唔知......都係去行o下街, 開心o下算啦! ~_~
1999年11月21日
近排成日都唔開心, 但係又要o係所有人面前扮到咩事都無, 真係好難, 好無心機 = ( ......要等o既消息一直都無, 睇怕又會再一次失望, 我可以做D咩呢? 相信係咩都做唔到, 唯有係等......~_~
1999年11月24日
嘩, 好鬼忙呀, 日日做到無停手, 總有食飯o既時候, 嘻嘻, 若果大家送禮物比我, 我一定得閒o架, 哈哈哈哈......講開送禮, 原來自己都就快有袍啦, 好緊張呀! 大學畢業啦, 好緊張呀! 哈哈哈哈哈哈哈......(癲o左) = ))
1999年12月2日
終於有袍啦, 好開心啦, 到o左十二月十四號, 我就正式行畢業禮, 心情有D緊張, 有D開心, 亦都有D感慨, 話晒讀o左咁多年書, 暫時有個終結, 正正式式o係社會做o野, 唔可以好似讀書果陣咁馬虎. 咁求其, 要比心機, 有表現比人睇至得, 唔可以再好似以前咁傻更更, 成個死靚妹...... 喂呀, 點解我講o左畢業咁耐大家都無DD表示o架......
1999年12月5日
今日第一次正正式式同屋企人番學校影畢業相, 真係覺得好新鮮, 有少少high o添呀! 行o左好多好多路, 番到屋企最想訓番一覺. 睇番影o左果五筒相, 真係覺得誇張, D笑容又好似緊o左咁, 唔掂. 隻Winnie the Pooh搶晒我鏡, 紮花又搶我鏡, 家姐又搶我鏡, 我最唔上鏡, 個?又化得唔靚, 咦......唔制呀! = P
1999年12月6日
擒晚深夜收到一個唔係太開心o既消息, 攪到今日都無咩心機, 加埋份presentation做得唔好, 所以覺得自己唔掂......今日成日都覺得好眼訓, 基乎o係公司訓著咁滯, 下次一定會會打貓打到咁夜, 本來都唔駛打到咁夜, 最衰ICQ D message短到死......一句講晒, 衰! >_<
1999年12月7日
就快死......
1999年12月10日
唔經唔覺, 呢個騎呢homepage都一歲啦, 真係開心, 原本先已發嗡風已經成年, 好多謝大家o既支持, hit count 越來越高, 嘻嘻...... 今日同o左幾個同事一齊著袍影相, 之後又一大班人影, 真係好似拍真情咁呀!...... 就快行畢業禮, 但係大家吹水話送禮物比我就一份都未到, 真係唔開心, 影o左果D畢業相scan o左都唔比你o地睇呀, 衰到死!...... 今晚星期五, 但係個個都唔肯陪我出去食飯, 攪到我要一個人番屋企食喎, 幾慘呀! 好在織o左成晚冷袋先無咁悶咋! = (
1999年12月13日
今日真係好開心呀, 番工番到十點零鐘, 突然有人叫我收花喎! 仲要係一大紮百合同玫瑰呀, 真係好開心呀! 不過開心還開心, 付出o既代價都唔細o架......擒日又收到一大紮玫瑰, 今日又收到百合, 咁大個女真係第一次收到咁多花, 好開心呀!......聽日就係畢業禮, 心情好矛盾, 大個女啦, 又係一個新開始, 好多o野都唔識, 好似上個禮拜六咁, 就做錯o左一件好大o既事, 好在老闆好好人, 淨係叫我下次小心D, 唔好再做錯就算, 真係好好彩, 比著第二個老闆, 鬧到我七彩, 或者炒o左都似! 下次一定唔可以烚o下烚o下至得啦!......係喎, 就快有朋友o係美國番o黎啦, 好開心, 又有人o係加拿大番o左o黎, 希望快D見到佢o地就好啦!
1999年12月16日
畢業禮已組曲終人散, 開心o既係可以見番一班好耐無見過o既同學, 同埋自已終於都大個女啦, 唔開心o既係自已終於完完全全脫離o左學校呢個純潔o既地方, 以後要面對好多新o既事同新o既人. 當戴起頂畢業帽o既時候, 真係好興奮, 因為我o地o既Faculty係成個HKU?面最大o既, 好多人同我o地歡呼, 果一刻真係好感動, 但係過後要面對D咩, 就真係無人可以話到比你聽, 條路點行都要自已度好至得......今日收到消息, 話放假都要番工喎, 都無辦法, 咪番囉, 至多放工再出去玩囉, 去行街囉! 本來o諗住去睇安娜與國王, 但係一條友, 睇咩鬼o野呢? 都無人陪我陪到咁鬼夜啦, 又無人買飛, 都係算啦~_~......好在今年聖誕節有人送禮物比我, 先至可以過得開開心心, 上年聖誕, 我都過得好開心, 希望出年聖誕, 同埋以後o既聖誕都可以開開心心, 但係唔知咁o諗會唔會係一個好奢侈o既o諗法呢? ~_~
1999年12月17日
今日見番幾個中學同學, 真係好開心呀, 因為已經成兩年無見過佢o地喇, 見番果種感覺真係好唔同.
大家都已經出晒
o黎做o野, 講親句句都係做o野點樣點樣辛苦, 個個個樣都係咁殘(包括自己在內),
真係有D悲, 不過都無法, 出o黎做o野就係咁. 約o左佢o地1月1號出o黎影畢業相,
可以留番個記念......近排成日都唔夠精神, 真係好驚會再做錯o野......講開做o野,
今日又有好消息, 但係又有唔好消息喎, 世事就係咁, 希望以後個個都好啦!
1999年12月20日
今日覺得好唔開心, 有好多件事都令到我覺得好灰心, 對人o既睇法唔同o左, 對事o既睇法亦都唔同o左, 可能人o地覺得我細路女, 成日為o左小小事都認真到死, 但係有時D o野係原則問題, 可能我真係太認真, 但係我今日真係覺得非常非常之唔開心, 唔開心好容易會變灰心, 灰心就好容易錯, 再錯就會好大件事...... = (
1999年12月21日
就快又係一年, 時間真係過得好快, 呢一年真係發生好多事, 有開心, 亦都有唔開心, 有D唔開心o既o野已經唔記得, 但係都有好大部份記得, 只不過係無時間o諗咁多咁話o者, 由學生, 傻婆到真真正正出去做o野, o諗o既o野都已經唔同o左好多, 可能仲會好傻, 好白痴, 但係對於自已o黎講都已經係一個好大好大o既轉變, 自己都感覺到呢個轉變好大(好似關芝琳個傻婆廣告), 就快新一年, 希望係一個新開始......講開新一年, 今日食飯果陣同D同事講開話復活節去旅行喎, 都唔知係咪吹水o架......
1999年12月22日
近排都唔知做咩鬼o野, 成日都好似心神彷彿咁, 做o野硬係無心機, 又唔集中精神, 成日都好似好唔開心咁, 都唔知自己想點, 聖誕節無帶比我D咩驚喜, 反而係好唔開心..... 其實都唔係完全唔開心o既, 因為呢幾日發現o左其實身邊o既人都對我好好, 好鍚我o架! 有人送o左曲奇比我啦, 有人送錶比我啦, 又有D唔知咩o既禮物, 有時自己真係隨口講, 但係原來身邊o既人會記想心, 真係唔好意思得o黎又好開心o架! o係度真係要多謝大家至得, 好感動o架!......今日咁o岩撞到至愛, 原來做一個決定係一件唔容易o既事,一D發自內心o既誠意原來真係好緊要, 究竟我係咪睇錢睇得好大呢?
1999年12月23日
越近假期就越唔想做o野, 好鬼死有holiday mood, 又要買聖誕禮物, 今年聖誕真係有D開心, 有D唔開心......講開買禮物, 原本想買D正正經經o野, 但係都發現係買D攪笑o既DD ......聽日係平安夜, 一定要戴隻新錶襯襯佢先......
1999年12月24日
今日真係好好玩, 成班同事玩抽獎, 最出色果兩份禮物可以話係我買果隻臘鴨、金華火腿同埋小輝隻鹹濕VCD喇, 真係笑到大家肚都痛埋, 我自己就抽番個鏈墜, 都算係咁啦! ......夜晚去o左銅鑼灣, 之後又坐叮叮去o左中環搭船, 年年都基本上係咁, 都無咩特別, 但係依然覺得個feel好正......去到尖沙咀, 超勁多人, 居然可以行彌敦道o既車路, 真係未試過......去o左美麗華睇戲, 好鬼死多人, 基本上番o左成日工(其實係半日)已經好想抖o下, 但係又唔想留o係屋企, 睇睇o下真係好想訓, 但係周潤發真係好正, 唔可以miss任何片段, 但係女主角遠睇好DD, 近睇就老o左少少, 點都好啦, 套戲好好睇, 頂o左兩個幾鐘都值o既......睇完成點咁滯, 但係成條街都係人, 真恐怖......出o左糧, 唔刻薄自己搭的番屋企, 仲要on多一陣line, 見無咩人, 所以走o左......聽日仲要番工, 天啊!
1999年12月25日
番到公司見到好多人, 真係覺得好感動......今日係聖誕節, 但係我居然覺得唔開心! 好唔開心! 非常唔開心! = (( ...... 都係早D訓, 聽日影番D靚相仲好啦!
1999年12月26日
一心o諗住影番D靚靚o既全家福, 點知影到一鑊粥咁, 真係唔掂......估唔到今日Boxing Day仲有禮物收, 真係開心, 今年聖誕節收到五份禮物, 係有史以o黎第一次, 真係好開心呀! = )
1999年12月27日
好鬼死悶............悶......到......死......啦......
1999年12月28日
做o左成日都好似傻o下傻o下咁, 成日都好似唔夠訓, 簡直想死, 唔知點解, 又覺得唔開心啦, HELP! = (
1999年12月29日
近排收到o既消息都係唔開心o既, 好似今日咁, 就收到兩個唔開心o既消息, 自己睇到兩件事發生, 但係又好似做唔到D咩, 真係有少少無奈...... = (
1999年12月30日
就快過新一年, 真係好快好快, 呢年真係經歷o左好多好多o野, 有開心有唔開心, 不過硬係覺得唔開心o既多好多, 希望新o既一年可以開心番DD......今日前所未有OT到咁夜, 不過真係好專心, 都算係咁啦......新年......祝自己開開心心, 順順利利, 健健康康, 祝個個都一樣咁好, 開開心心. = )
2000年1月1日
今日係新年o既第一日, o係度祝大家開開心心, 健健康康......晨早影相, Eric著o左老西, 真係俾面, 又見到Rosan喎, 真係好開心呀! 最衰就係唔齊人......下晝又黑仔到俾人放晒飛機, 好彩都有人幫我影相, 不過好驚扭親條頸, 哈哈哈哈......希望今日影果D相靚靚o地喇! = )
2000年1月2日
今日已經係假期o既最後一日, 但係對於我o黎講基本上都無咩分別, 都係要番工, 不過今日Do野做得快o左好多, 可能係因為今日無咩人同我吹水啦......突然間o諗番o岩o岩過去o既1999年, 發覺自己應承自己要做o既o野都做o左好多, 不過都有D未做到, 真係有少少失望, 新一年, 希望會係一個平平安安, 順順利利o既好開始.......
2000年1月3日
成日都覺得好眼訓, 嚴重睡眠不足......
2000年1月4日
今日又有D唔開心, 好多o野都唔開心呀......
2000年1月5日
今日真係好似發o左神經咁, 下晝食完飯切奇異果果陣一個唔覺意切親左手隻中指, 當時真係好痛, 仲流o左好多血, 但係居然笑得出喎, 仲笑得好大聲o添, 個個都以為我癲o左, 其實係痛到傻o左, 原來切親手指尖係咁鬼死痛o架, 真係痛到入心入肺, 但係近排真係多o左o野做, 所以乘機發o下神經啦! 臭原來o係某程度上都係一種發洩o黎o架! 不過o諗o下o諗o下, 都好驚o架, 因為真係流o左好多血, 都唔明當時點解仲可以癲到大笑...... = P
2000年1月6日
今日好忙, 忙完又忙, 好難得有得早少少走, 已經好開心, 但係又覺得有小小唔妥, 呢一個月?面成日都係咁......一上icq立刻有好多人搵我, 有D係好耐無見o既人, 有D連我都唔知佢係咩人.....
2000年1月7日
今朝一起身就覺得有D唔妥, 本來o諗住唔番工, 但係結果都番o左, 但係仍然覺得條腰好痛, 都唔點點, 又有好多o野未做, 唉, 好痛呀, 可能近排真係唔多夠訓啦, 希望快D有長假休息o下啦!
2000年1月8日
今日本來可以開開心心行o下街, 點知又收到電話要聽日番工, 真係好想抖一抖,
但係結果都要番, 明明知道佢o地D o野趕都唔幫好似好衰仔咁......今日同衰婆去食飯,
兩條友竟然為o左果個漢堡飽食老麥喎, 真係咩都得......同衰婆傾o下傾
o下, 大定都同時發覺大家出o左o黎做o野之後真係變o左好多好多, 變到好講錢,
都唔知係變好o左定變壞o左......不過, 今同衰婆行o下街, 吹o下水管其實係吹水多,
已經好好多, 好開心, 總好過自己鬱住鬱住唔開心啦! = )
2000年1月9日
今日又要番工, 好鬼死唔開心, 簡直跌到落谷底, 成個下晝都無出過聲, 唉......
2000年1月10日
心情唔好......
2000年1月11日
心情越o黎越唔好......
2000年1月12日
日日做到無停手, 總有食飯o既時候......
2000年1月13日
今日心情已經好番好多啦, 仲有D開心o添, 原來開心可以好簡單o既......不過有一大粒暗瘡, 又有少少唔開心...... = P
2000年1月14日
病o左半日, 結果都係要番工, 所以病同唔病都無咩分別, o野始終都係要做, 究竟我可以點呢? 好在番工竟都收到禮物, 係Snoopy pizzle, 大家對我真係好...... = )
2000年1月16日
心情一般......
2000年1月17日
今日大家o既心情都唔多好, 包括自已在內, 成日都好似死o下死o下咁, 希望大家聽日開心番D啦!
2000年1月18日
今日因為一時貪玩, 攪到有個人痾到隻o野咁, 真係唔好意思......
2000年1月19日
心情一般啦, 無咩特別o野發生過咁啦!
2000年1月20日
今日好凍呀!......呀!......呀!
2000年1月23日
今日訓到成兩點幾, 鬼唔死咩? 擒晚比人扯住傾到成四點, 真係懷疑係咪大家都有神經病o架!......
2000年1月25日
今日買o左件棉衲, 哈哈, 好正呀, 聽日凍凍o地就可以著啦!......今日唔知點解, 突然好high, 同o左三個傻婆去食飯, 好耐未試過咁早走人, 真過癮, 哈哈哈哈哈......
2000年1月26日
今日終於有得著棉衲啦, 好鬼死開心呀! 不過其實又唔係好開心, 因為有好多複雜o既事要攪, 涉及好多唔開心. 唔想發生o既事, 唔幫手又唔得, 唉......睇番上一年寫o既日記, 原來咁快又已經一年, 上一年o既1月26號好開心, 但係事隔一年就已經好唔同, 成日都會為o左小小事好唔開心, 點解我會變成咁o架? 可能26號唔利我......
2000年1月28日
好多o野做, 就快死......
2000年1月31日
今日已經係一月o既最後一日, 但係今日好多o野都未做完, 簡直有想死o既感覺, 加埋今日又病. 又比人鬧, 心情真係好鬼死唔好, 無事真係唔好惹我...... = ... (
2000年2月1日
咩都唔記得, 心情又唔好, 有時都唔知自己想點, 好容易發脾氣, 最好都係唔好出聲......
2000年2月5日
今日係年初一, o係度同大家恭喜發財, 祝大家心想事成, 身體健康, 笑口常開, 狗馬享通, 人丁兩旺......擒晚去行花市, 成兩點幾至返, 食埋糖水已經成三點......其實逼o左去花市都唔知為咩, 又無買o野, 又睇唔到o野, 只不過係唔想留o係屋企, 好彩後來都買o左條褲, 都算有收獲啦!......擒日俾番D畢業相兩個傻婆, 就發現不經不覺已經畢o左業兩個月有多, 出o左o黎做o野都成半年, 真係好又多o野都變o左, 唔會再好似以前讀書咁o諗得咁純, 過o左呢年新年又大一歲, 真係唔想自己咁快大, 真係想番番BB時代, 有媽咪抱住, 都唔知幾正......都係唔好發夢啦, 訓多覺今晚睇午夜場仲好啦!
2000年2月6日
年初二, 又係留o係屋企, 好在有得睇煙花...... 煙花, 我未去過尖沙咀現場睇, 曾經有要求過人陪我睇, 但係結果都係不了了之, 曾經令到我覺得好失望...... 今次終於有得去睇, 但係心情硬係覺得有少少唔同, 仲好記得好想去睇但係無人同我去睇果種感受......o諗起許志安果隻"世紀末煙花"......"還好嗎 還好嗎 頭上是昨夜煙花 掠過你我那暑假 才期望世界末日別來吧 還好嗎 直到我對你牽掛 難道已錯過 最短一個炎夏......"隻歌慘慘o地, 真係夠晒feel......
2000年2月7日
年初三, 都係留o係屋企, 話咁快咁就過o左四日假期, 全部用晒o黎"叉電", 真係正......聽日就要番工,
真係想放多兩日假......聽日又話會凍, 晨早仲要起身番工, 真係enjoy以前讀書果陣,
日日可以訓, 又無人理你番定唔番, 幾好, 而家就無呢枝歌仔唱lu......不過都好
o既, 番工又有利是逗, 唔知有幾錢開工利是呢?
2000年2月11日
唔經唔覺又到初七, 時間真係過得快, 番工收o既利是雖然唔多, 但係勝在夠份量= P......好想去燒o野食, 終於都有得去, 好開心, 哈哈哈哈......夜媽媽兩姊妹無聊到要玩盲骰, 哈哈哈哈, 真無聊......
2000年2月13日
無 Snoopy 啦, 好唔開心...... = .. (
2000年2月14日
電腦死o左, 有排都唔會復活, 有排都無ICQ......
2000年2月15日
唔多舒服, 唔開心......
2000年2月16日
平平隱隱, 又過一日
2000年2月18日
病病病病, 又過一日........
2000年2月19日
硬係唔明明, 番o左工咁成半年, 一直都未停過病, 成日都冷親, 隔唔夠幾個禮拜又病一次, 我o諗大大小小都已經成六. 七次. 日日番工都己經著好多衫, 都係唔掂, 前日仲鼻塞到成晚訓唔到咁滯, 又咳到好似肺癆咁, 真係好辛苦, 唯有希望自己以後身體好D啦......
2000年2月22日
終於發覺自己頂唔住, 要睇醫生, 原來死撐真係唔得o既......不過睇o左醫生都好驚,
下晝食o左D藥之後居然覺得自己有D手震, 從來都未試過係咁, 開頭以為自己唔舒服,
以為係幻覺, 點知原來係真o既, 嚇到我唔夠膽再食D藥, 真係有少少驚再食就會死......唔驚唔覺,
今日己經o係公司做o左o岩o岩半年, 時間真係過得好快, 半年. 一年. 年半. 兩年,
咁快就過
o左, 不過仍然好似第一日番工咁, 又o諗番起第一日番U, 好多其他o既第一次,
原來都好難忘......不過, 原來病都有病福, 今日食完飯, 成個Department o既人居然買o左好多有維他命C
o既o野比我, 真係好開心呀! 有蘋果啦. 維多C同埋果汁先生o添呀! 哈哈, 原來仲有好多關心我同錫我o既人,
有時傻人真係有傻福o架! = P
2000年2月23日
今日終於好番好多喇! 雖然食o左D藥真係有少少手震, 但係真係掂喎!......畢o左業成兩個月有多, 居然仲有人送畢業禮物比我喎! 仲要係福狗o添呀! 好鬼死開心呀! 隻狗仔真係好得意o架, 個頭側側o地, D毛鬆鬆o地, 個樣傻傻o地, 真係好得意o架! 成隻狗BB咁, 哈哈, 好正呀! 真係好多謝好似我阿哥o既丹尼劉!......講開阿哥, 其實真係覺得文哥好似我大佬, 謝夫個style又有少少似, 阿神似我細佬, 阿英似我家姐, 嘩, 一家人呀! 好溫馨呀! 真情呀! 哈哈哈哈......今日居然有人話我長頭髮似阿婆喎, 真係"吉"死人呀! 好彩佢講笑o者! 如果唔係就慘喇, 廿零歲就似阿婆......
2000年2月24日
自問做人好騰雞, 又烚o下烚o下, 但係我真係唔會為o左食餐普通飯而去特登買一套新衫囉, 又唔係見未來老爺奶奶, 又唔係結婚, 又唔係去飲, 著得整齊齊咪得囉. 究竟買套新衫去食餐便飯叫認真. 俾面定係過份誇張呢? = P
2000年2月26日
發覺自己做o野o既方法好有問題, 但係好似暫時未有辦法改, 唯有希望自己快D o諗到兩全其美o既最好辦法啦!......下晝同Morning. 布布同Cat姐去o左沙田食飯, 食完之後去行街, 之後Cat姐走o左, 剩番自己一個, 居然狼到一次過買o左二百幾蚊書喎! 我o諗自從Form 7之後都未試過買買貫得咁鬼死豪. 不過一次過買咁多本課外書, 都算係咁喇(其實係一次過買o左八本Snoopy漫畫同埋一本工具書, 嘻嘻, 好豪呀!)......搭車果陣已經睇o左半本有多, 睇睇o下覺得好好笑, 真係好想o係架巴士果度大笑出o黎, 不過好在都控制到自己...... = P
2000年2月29日
已經二月最後一日, 咁又一個月, 糧又出o左, 但係個人仍然好迷茫, 番工日日都失失慌咁, 唔知自己做緊咩, 真係好迷失. 已經畢o左業成兩個月有多, 點鮮成日做o野都迷迷茫茫? 真係好似無咩方向, 真係好擔心再咁落去會係點, 一定要o係大一歲之前振作......今日仍然係凍, 雖然有得著件型仔棉衲, 但係天氣凍, 始終都唔想起身......擒日終於都第一次自己出去搵料, 雖然好緊張, 但係都已經係成功o既第一步喇! 雖然唔係搵o左D咩料番o黎, 但係已經放膽o左好多好多lu......今日睇本雜誌, 發展自己個頭居然係春季最興果隻喎! 真係估唔到自己head住個潮流咁in......= P
2000年3月2日
今日已經開始振作, 但係效率仍然係低, 不過總好過無先啦! ...... 哈哈, 竟然我呢個啦啦隊都有一件波衫喎! 真係奇聞 = P...... 哎, 今日又有人生日, o諗o下o諗o下自己都就快生日, 最衰就係星期日先生日, 一定無人同我慶祝啦! = (
2000年3月3日
盲快做到傻o左喇, 日又做, 夜又做, 想唔死都幾難, 殘到不似人型, 真係好想抖抖, 但係又無時間, 眼圈黑到嚇死人......今日出o左去影相好好彩, 已經比預期順利o左好多, 有D Manager都好好人, 其實出去做o野都可以見多好多o野, 又好玩, 時間真係用多D, 比多D經驗自己, 唔好再咁騰雞......今日經過Times果間Shooters, 又o諗番起其實自己年幾之前都去過, 果次係第一次去, 記憶仍然好深, 原來我記性都仍然好好, 雖然成日都唔記得o野, 但係好多第一次去o既地方我都好記得o架, 濕濕碎碎o既o野都會記得好清楚, 可能人o地唔會當係一件大事, 但係我就會覺得好緊要......做到成十一點幾先走, 好眼訓, 講住咁多先喇! 早抖!
2000年3月4日
今日又創新高, 成一點鐘先走, 番到屋企, check埋個site已經成三點......好眼訓呀!
2000年3月5日
今日再創新高, 竟然留通頂, 真係有D眼訓, 但係我居然仲可以唱歌, 仲有兩的傻佬同一個傻婆的陪我癲, 真係正.....而家仲o係公司, 都會飲完早茶, 番屋企沖涼, 訓番三廿粒鐘, 下晝又要番過去, 真係非人生活, 我要努力工作, 我要奮發向上, 希望最忙o既日子快D過去就好喇! 至少比我抖一抖先啦!
2000年3月7日
今朝訓到番工先起身, 精神已經好番好多, 不過接住落o黎要做o既o野仲大鑊......擒晚已經訓o左成十幾個鐘, 訓到飯都無食, 咁大個女都未試過......今日終於似番個人, 有眼. 耳. 口同埋鼻......
2000年3月8日
人一世忙忙碌碌, 其實為o左咩呢? 我真係唔係好知道, 總之就係唔做o野會死喇!......又係一場小誤會,
乘機發脾氣, 不過都唔係o既, 都有原因o架......撞到個曾經好熟, 但係又好耐無見o既人,
變得好冷淡, 好陌生, 人真係無情, 真係令人失望......
My
Favourite Hacken Lee's Songs至愛克勤正歌