史諾比與查理每事記
2000年3月10日
今日去o左睇佢o地打波, 原來現場睇人打波都幾好玩o既, 不過就凍o左少少......睇番成個禮拜,做o野都做得好慢, 可以話係超勁頹廢, 下個禮拜一定唔可以再頹落去......
2000年3月15日
近排心情真係差得好緊要, 勁容易發脾氣, 動不動都想鬧人, 都唔知自己攪邊科......近來公司發生幾大件事,又覺得自己無能為力, 真係好唔開心, 但係亦都無辦法, 都係算數罷喇......~_~
2000年3月17日
行o下街, 食o下buffet, 原來除o左番工之外, 生活可以係好正o架! 行街差D行到唔記鬼聽朝要番工,都係第一次, 不過抖一抖, 真係好正, 叉夠電, 又要番工 = P
2000年3月18日
今日又係星期六, 真係好開心, 哈哈哈哈哈哈哈......擒晚咁夜訓, 居然今朝仲可以早o左番工,真係勁呀! 哈哈哈哈哈哈哈......
2000年3月19日
終於又到星期日, 訓到勁晏, 真係正......今日終於有時間睇番Snoopy餅帶,呢集係講Charlie Brown o架, 話Charlie Brown係天生o既失敗者, 所有時都唔順利,成日都覺得自己無用, 因為咁樣而成日都唔開心, 我有時都好有同感. 最衰就係misso左上一集, 無得睇Snoopy離家出走, 有邊個有錄呢集呀? 借o黎睇o下好喎!
2000年3月20日
星期一, 又係一個禮拜o既開始, 比部電腦玩o左成朝, 攪到下晝堆埋Do野一齊,仲衰過唔番, 不過又好似無做過D咩咁, 又好似做o左好多o野......越o黎越發覺班同事好玩, 真係好夾, 不過始終都有幾個少D o野講o既, 不過都唔係, 講開都好多o野講, 不過有D意見就唔太同,不過都OK o既, 不過就快有個好玩得o既同事要走lu, 真係唔捨得, 不過都係事實,都無咩辦法變, 好眼訓, 唔講喇, 早抖!
2000年3月21日
今日下晝出o左去搵料, D老闆出奇地合作, 講o左好多o野比我聽, 真係開心,不過番到去已經成六點, 基本上都無咩心機做o野, 結果七點就同阿神出o左去影香港夜景......好耐都未試過行去海邊, 真係好正, 吸番D新鮮空氣, 成個人都唔同晒, 唔駛屈住o係office日日都係咁坐......行去尖東海傍,o諗o下o諗o下都好耐未去過lu, 大概都有成年幾, 對住個海o既感覺真係好舒服,好多開心同唔開心o既o野突然都記得番, 心情真係好複雜, 尤其是坐o係文化中心果陣,真係唔想走, 好想坐多一陣, 不過實在太肚餓, 如果唔係都唔想走, 搵日真係想特登去坐番三五個鐘至得......
2000年3月22日
今日終於做完一部分o野, 真係好開心, 不過唔開心得好耐, 因為有更加多o野要做......自己做o左傻婆咁耐,send
o左咁多封貓出去, 終於有回音喇, 仲要係和黃D人, 雖然唔係D好緊要o既資料,但係都有番D成功感...... 收到一封古怪o既email, 唔係好信裏面講o既o野,
不過我都有覆番佢,睇o下有咩回應先......
2000年3月25日
終於發覺o野係永遠都做唔完o既, 愉o下懶, 下晝去o左太古城.....記得對上一次去太古城已經好耐,睇番日記, 原來已經係年幾之前, 果日係一月廿六號......今次去o既感覺又唔同o左, 無o左對上一之去o既新鮮感, 又好似無咁開心, 可能番工番得多真係會令人無精神,成日都好似死o下死o下咁, 每日番工都好似想死咁, 真係唔知為咩......食飯果陣仲有一個小小o既插曲, 真係好得意, 無o諗過咁都得....想知咩? send個貓問我啦! = )
2000年3月26日
擒日買o左隻新碟, 有一隻歌勁o岩聽, 聽o左勁多次, 都今日都仲聽緊, 果隻歌講個女仔唔靚,個人又直, 好多人都唔鍾意佢, 唯獨係個隻歌講緊果個男主角好欣賞佢, 覺個女仔樣樣都好正,佢仲好介意人o地點批評個女仔, 雖然我好鍾意呢隻歌, 但係覺得裏面講o既o野一D都唔真實,因為而家o既男仔都係睇D女仔靚唔靚先o架啦, 係咪?
2000年3月27日
今日都幾充實, 都做o左幾多o野, 心情, 一般啦, 係咁多......
2000年3月28日
今日做o野o既速度只係一般, 可能係太多人o係物邊行啦,我好容易會分散精神, 其實我都幾怕人o地坐o係度睇住我做o野, 盞攪到我咩都做唔到.所以都係唔好望住我做o野......硬係唔明, 自己次次飲檸檬茶都唔中, 次次幫人揭就中,真係唔明, 好在中o左都係我o既, 嘻嘻......一出糧就想買好多o野, 買Snoopy電話啦.Snoopy戒指啦 同埋買對人未拖啦. 仲想買衫啦(因為有好多, 所以都係忍手無買), 嘩, 咁買法咪成份糧都無晒?!
2000年3月29日
今日真係好眼訓, 一早就起o左身, 仲居然可以唔駛搭車行落地鐵站,真係好o野, 不過夜晚就真係完全係眼訓到唔識行咁滯......至愛Shannon好耐無搵我, 居然今日放工果陣佢打俾我叫我行街呀! 真係好開心, 買o左一條絲. 手巾(兩用),已經好滿足......無情怖爛嘴, 真係連工都唔想番, 希望聽日快D好番啦!
2000年4月6日
部電腦終於好番, 真係飲得杯落, 不過中途都幾多阻滯,點都好啦, 一天都光晒......今日上晝心情都幾好,
但係到
o左下晝要番工果陣就唔多好, 情緒o既變化真係,大......
2000年4月8日
一朝早起身, 個人好似榮o下榮o下咁, 好在食o左粒感冒藥之後好似好番小小,不過o諗留o下, 呢兩日都係咁, 真係要小心D唔好冷親至得......夜晚去o左元朗燒o野食,成班老表玩到傻o左, 不過都幾好玩, 因為好耐(應該有四年)o既表哥居然會o黎,真係o諗唔到, 原來間唔中去o下郊野公園燒o野食係好正o架!
2000年4月10日
今日本來心情都好好o地, 硬係到放工果陣就有個衰人窒住晒, 乞人憎到死, 都未見過人咁刻薄.咁口賤, 真係谷鬼氣 = (好在之後食飯行開o下先開心番DD咋......講開食飯, 兩隻大鄉里又唔識叫o野食,真攪鬼, 不過辣得o黎都幾正, 最攪鬼係睇住一個平時勁牙擦o既人食後辣o野之後要不斷飲水救火,真係笑鬼到你死......= P
2000年4月11日
今日心情一般, 最開心係唔駛我去睇戲, 貴鬼事見到D唔想見o既人......隻眼都唔知做咩鬼o野,一起身就鬼咁痕, 攪到我要戴番眼鏡, 真係衰, 如果再係咁就死喇, 我死都要靚o架!
2000年4月12日
今日真係好開心呀, 因為今日見到好耐都無見過o既Alan, 佢瘦o左, 樣就無咩點變......今晚同阿滌食飯,眨o下眼, 唔經唔覺又一個月, 佢又要走lu, 真係唔捨得, 不過佢都會有好好o既將來o既......唔經唔覺又四月中,唔經唔覺又就快大一歲, 唔制呀!......星期六又去睇波, 今次係睇"海軍鬥水兵",睇o黎會係一番苦鬥, 哈哈哈哈! = P......塊面好大粒暗瘡, 真係唔係好想見人,仲要出去做訪問, 真係獻世......
2000年4月13日
今日阿滌last day, 真係有D唔捨得, 不過又唔係以後見唔到, 又駛咩咁唔開心喎!可能人o地會覺得我無人情味, 但係係因為我樂觀o者!......食o左兩舊大蛋糕, 番到屋企都唔識郁,死啦, 實肥死啦!
2000年4月15日
今日我o地隊波終於贏喇, 真係飲得杯落, 不過之前輸o左兩場, 結果都係都仲係負3分= P......前幾日係老豆同媽咪結婚周年紀念, 今日補番食飯慶祝, 真係開心......食飯之前同阿英去行街,真係唔想走, 不過又要去食飯, 真係無計, 見到阿英成個孤獨老人咁, 真係覺得唔好意思,好似自己撩佢去行街, 最後又剩低佢一個咁.....下次唔會咁o架啦! = P
2000年4月16日
平平穩穩, 又過一日, 聽日又要返工lu, oh......
2000年4月17日
今日本來好o地o地, 點知到下晝又收到個唔好o既消息, 真係激死, 結果放工走鬼o左去行街,情願唔記得就算
2000年4月19日
人有時都幾無奈, 明知事實係咁, 你都無辦法去變...... 放o左好多好多時間同心機去做一件事咩?但係最後都無成果, 真係令到人好鬼死down o架. ~_~
2000年5月20日
今個星期終於可以抽到時間去圖書館, 實在太耐無去過lu, 有機會去真係好開心,好耐無去睇過書, 一次過借o左四本書, 真係正......仲有幾日就去camp, 講番都有好多年未去過camp,去完camp就生日, 之後唔知會唔會收到生日禮物呢?.....唉, 真係激到你死, 居然無情情洗晒之前成個月o既日記, 都唔知幾時同點解洗晒o架, 激死人......
2000年5月22日
今日終於都學識倉頡喇, 真係開心, 都算係咁......就快去camp, 真係開心......就快生日,又老一年, 真係唔開心...... = P
2000年5月24日
今晚去o左唱K, 好耐都未試過玩到咁鬼死癲, 唱到喉都沙埋, 笑到肚都痛埋......死喇,就快生日喇, 又老一年lu, 我唔想咁快老呀!
2000年5月25日
聽日就去camp喇, o諗番o下, 都好多年未去過D咩渡假村lu, 對上一次, 相信已經係六年前,去完camp又老一年, 唉, 認真撞鬼......
2000年5月27日
今日終於去完camp lu, 查實真係無咩特別o野玩, 不過可以抖o下, 去o下D郊外地方,都幾正...... 擒日又打波, 今日又打, 個人好似散晒咁,
D手手腳腳好似斷晒咁,不過出o左一身汗, 真係覺得好舒服, 好耐都未試過咁lu...... 番工大半年, 成日都坐o係office,又容易病, 番工就係咁......
去camp, 小不免都玩得夜D, 不過以前真係未試過成十一點先走去散步,雖然餵蚊, 但係幾個人行o下傾o下, 都唔覺得好辛苦. 之後仲鋤大D鋤到成兩點幾,
七點半又要起身食早餐, 之後去打波, 十二點又話食飯, 咁o既生活真係正常到死,如果日日都可以係咁, 又唔駛番工就好囉......
最殘酷o既現實將會o係聽日發生, 我又會大一歲, 加埋打波打到手痛腳痛, 相信最辛苦都係呢個生日lu......
2000年5月28日
生日居然留o係屋企訓o左成日, 都算係第一次, 鬼唔死咩, 打完波之後手痛腳痛,不如留o係屋企仲好lu...... 聽日要出去食飯, 其實真係嘛嘛o地想去, 不過唔去又唔係幾好,兩難局面......
2000年5月29日
生日之後又係要做, 真係無咩辦法...... 今日收到三個蛋糕, 真係覺得好意外,但係又覺得好開心, 因為開頭以為大家唔記得我生日, 但係點知原來佢o地記得o架, 仲收到一個Snoopy錢罌, 又收到一樽香水, 原來大家真係好錫我o架! = )
2000年5月31日
今日又收到兩個消息, 一個壞, 一個好, 聽到好消息固然係開心, 但係壞消息就真係令人覺得好擔心,希望唔開心o既事快D過o左去, 好o既消息快D o黎喇! 個頭有小小痛添, 要早D訓至得!
2000年6月1日
都唔知做咩鬼o野, 擒晚臨訓之前突然間覺得好頭暈, 今朝早一起身又咁喎, 好驚自己有咩大病呀!......朝早起身, 明明訓o左成七個鐘, 仍然覺得好眼訓, 連con都戴唔到, 番到公司仲要比人話四眼妹!早知戴con喇!
2000年6月2日
今日仍然覺得有D頭暈, 但係我睇都係感親下, 睇醫生食番D藥就好快無事......約番Brenda.Carol同傻婆Dilys出
o黎, 大家都殘o左少少, 唔通出o左o黎做o野個人就會殘 唔係嘛?! 我做o左o野一年都未夠喎!之後去o左飲o野, 果間o野有得點唱o架! Brenda仲點o左隻歌比我聽,
又有人唱生日歌,好多人望住, 有D瘀, 但係咁大個女都係第一次, 真係幾個心o架. 平日積埋積埋咁多唔開心o既o野,今晚有人聽o下我"呻", 個心已經覺得舒服o左好多.
有時真係覺得自己都幾好彩,讀書唔駛憂, 屋企又唔駛憂, D朋友又唔駛憂, 做o野又唔駛憂, 都算係咁喇!
2000年6月3日
今日約o左阿謝佢o地一班人出去食飯, 太耐無見過喇, 一班女人belibala講o左好耐,呢班識o左超過十年o既女人就係咁樣......收到佢o地o既生日禮物, 原來大家都有個習慣,自己鍾意o既o野就會賣比就快生日果個, 哈哈, 人就係咁o架喇! = P
2000年6月5日
今日又收到一個唔開心o既消息, 攪到自己又down o左一個下晝, 近排都唔知做咩鬼o野,成日估人都好似心不焉咁, 集中唔到精神做o野, 又容易做錯o野, 開始連自己都擔心自己,希望唔順利o既日子快D過去, 順利o既日子快D番o黎喇!
2000年6月7日
有時真係好唔明, 點解D人臨到大難之前都可以若無其事, 仲可以臨危不亂, 比我就唔得勒,點都要o諗番D辦法幫o下自己, 救o下自己掛, 點可以坐o係度等死喎! 不過每個人o既做法都唔同o既......今日放o左工, 個人好似散晒咁, 番工番到好似死o左咁, 一o野就撻落張床度, 媽咪仲以為我有病...... 講開有病, 其實都有少少唔妥, 好似擒日咁, 坐o左o係梳化一陣, 一起身, 就覺得眼花花,真係有少少懷疑自己係咪血壓低, 搵日真係要睇睇醫生至得.
2000年6月8日
有時做人真係好難講, 有時會突然間好順利, 但係又可能突然之間會好唔順利,真係今日唔知聽日事...... 終於可以"的"起心肝睇o下書, 好耐都未睇過書(除o左snoopy果D漫畫書), 追o下追o下D內容真係好正o架, 無睇書咁耐, 居然有興趣睇本成吋厚o既書, 真係佩服自己,嘻嘻! = P
2000年6月10日
自從番工之後, 個個禮拜都o係度等星期六. 日, 唔通以後果幾十年都會係咁?唉....... 今日去o左睇班同事打波, 其實係想出去吸o下D新鮮空氣就真, 平時日日坐o係冷氣房果度,真係唔係好掂, 不過都無辦法...... 就快又搬office, 今之雖然又上屋搬下屋,但係已經係八個月內第三次, 真係講都無人信. 搬o左之後, 間o左做partition,好似D人好疏離咁, 不過無辦法啦, 唯有慢慢習慣o下囉.
2000年6月12日
今日雖然係番少o左一個鐘頭工, 但係感覺依然係好似番足成日咁, 個人好似死o下死o下咁,個心都唔知去o左邊, 改少少o野又唔知點解開唔番, 足足玩o左成個鐘, 唉, 真係激死人......真係覺得好辛苦呀!= (
2000年6月16日
已經好多日未update過我個homepage, 唔知大家係咪好掛住我呢? 點都好啦,呢幾日其實唔係特別忙, 都有番少少時間抖一抖......我覺得咁o既工作環境先似樣家嘛!
2000年6月18日
今日係星期日, 亦都係父親節, 不過我個父親要開工, 好在之前已經同佢食o左飯......放假又落雨又打風, 真係無
癮......
2000年6月20日
好辛苦先至捱過o左一日, 仲要等多成個幾禮拜先至有假放...... 計o下計o下,到o左今個月o既廿三號, 我就番o左工十個月, 真係唔覺唔覺又一年, 望o下望o下自己個樣,嘩, 個黑眼圈大到呀, 嚇鬼到你死, 一早見到自己咁樣, 真係想大聲叫出o黎, 我相信都無人殘得過我......日日係咁,遲早殘到無人認得......
2000年6月22日
唔經唔覺, 又過o左四日, 今日已經係星期四, 真係正...... 講開正, 今日居然六點鐘就放得工喎,嘩, 好正呀! 不過其實又係為o左要錄o野先至可以咁早咋! 發現原來有咁多節目未睇過喎!......近排都唔知做咩鬼o野, 動不動就會為o左D好少好少o既事發脾氣, 自已都知道咁樣係唔好,但係又控制唔到自己, 有時o諗番自己o既態度真係好差, 再係咁落去, 分分鐘會比人炒,究竟我近排攪咩鬼o野呀?! = (
2000年6月23日
今日心情終於好番D啦, 真係好啦, 早果排成日都無情情發脾氣, 攪到人見人怕......嘩, 今日去排隊買飛睇戲, 足足等o左成半個鐘, 但係真係好想睇, 無法啦, 不過下次都係唔好攪我啦,我始終最怕排隊貫飛...... 唔經唔覺, 無玩ICQ都成兩個月有多, 真係犀利, 估唔到原來無ICQo既生活係咁正常o既, 不過有時心情唔好果陣, 都好想搵人傾傾o架, 如果大家都想同我傾o既話,又或者掛住我o既話, 得閒send個email比我啦! = )
2000年6月25日
星期日, 又係留o係屋企攤抖o既一日, 真係正..... 擒日做過D咩呢? 唔......去睇戲啦, 幾好睇...... 睇戲果陣居然有個阿婆一個人去睇喎, 我仲以為自己o係班靚仔入面最老果個o添,估唔到阿婆都鍾意華仔......
2000年6月26日
意志越o黎越消沉, 成日都無心機做o野, 咁攪法都唔係長遠, 一定要o諗o諗辦法,唔可以比自己頹落去, 遲D要搵D course讀o下先, 等我可以無咁無聊, 又可以學多Do野, 好, 一於咁話! = P
2000年6月27日
真係咁大個女都未試過呀! 同三個九唔搭八o既人居然可以吹水吹o左成八個字,真犀利, 仲要聽唔清楚人講咩, 淨係叩吹水, 攪到牛頭唔曾搭馬咀, 真係唔知自己做緊咩,淨係識傻笑, 原來自己都會有dead air o既時候, 哈哈哈哈. 叫你日日係咁吹水當番工都幾係o野.......癲完一晚, 聽日又要番工, 真陰公......
2000年7月1日
今日真係咁大個女以o黎o既大突破! 把心一橫將D頭髮電晒佢, 成個人o既感覺都好似唔同晒咁呀!開頭都幾驚唔好睇o架! 不過好在出o黎o既效果都唔錯...... 不過去到夜晚都幾得人驚,因為一拆晒D頭夾個陣D頭髮即刻鬆番晒出o黎, 成棵大樹咁呀! 好驚呀!
2000年7月3日
今日係轉新髮型之後第一日正式番工, 一心仲以為佢o地會笑我, 點知大部分人都話好睇喎!淨係得一個人笑我, 話我似外國踢波D人喎, 激死呀...... 今日又有好多o野做,真係正, 我情願多o野做到死好過得閒死...... 唔知點解, 我真係好容易比人睇穿個心o諗緊咩,可能自己真係太"喜怒形於色"啦! 下次一定唔可以咁......
2000年7月6日
今日又搬office, 已經係我o係公司做之後o既第三次, 不過今次o既感覺好唔同,硬係覺得怪怪o地咁, 可能真係要一段好長o既時間適應喇 ...... 又打風啦, 聽日仲話去釣墨魚,都唔知去唔去得成, 但係我未去過, 真係好想去o架 ...... 講開好想去, 今日睇報紙話八月會開Snoopy公園, 未開已經想去定先, 嘻嘻 ...... 今日同阿謝賀牛一, 雖然係遲o左, 但係五個人一齊吱吱喳喳,好快就過一晚, 收到阿謝條電話繩, 真係好開心, 佢真係好有心機去整, 整得好靚,好襯我個電話, 好開心呀! 嘻嘻!
2000年7月7日
今晚場去o左釣墨魚, 咁大個女都未去過, 一直都好想去, 原來真係好好玩o架!開頭唔識釣, 後來釣o下釣o下, 先到點先叫有魚上釣, 終於釣o左十一條, 差一條就十二條,真係差少少......
2000年7月8日
今日同o左Shannon食飯, 先發覺原來好幾個月都無見過佢, 仲隨行附送Edwin一大個,大家都無咩點變, 條街太多人, 都無咩心機行, 結果都係走番屋企......
2000年7月10日
呢排都唔知做咩鬼o野, 心情唔係幾好, 見到咩人咩事都好似睇唔順眼咁, 唉,究竟幾時先有轉機呢?
2000年7月11日
終於都頂唔順, 真係病o左, 個喉嚨又痛, 個人又成日見凍, 又好似成身無晒力,個鼻又不停流鼻涕, 咁o既樣頂到成日已經好好o野...... 睇醫生先至驚, 開頭o諗住量o下血壓等自己安心D,點知自己原來血壓低喎, 唔怪之得早排成日好似有少少頭暈咁啦, 醫生仲叫我做多D運動,唔量都唔知自己血壓咁低, 總之身體健健康康就得喇!
2000年7月12日
食o左藥個人已經好番好多, 不過又好似D骨頭散晒咁, D鼻水又好似開o左水喉咁,不斷咁流, 總之就希望快D好番啦...... 今日下晝去借o左一大包化妝品番公司, 原來女仔天生見到化妝品真係會傻o左o架! 當然包括我在內啦! 嘻嘻...... = P
2000年7月13日
病o左咁多日都未好番, 都唔知攪咩鬼...... 好多事都唔係太順利, 唔知幾時先可以轉運......今日突然間o諗出一句格言: 夠咪得囉, 都唔係好知自己講咩, 哈哈哈
2000年7月14日
已經食晒D藥, 戒o左口, 但係仍然係唔多妥, 都唔知仲可以點...... 去o左冒險樂園玩,用o左十蚊就換o左把間尺番o黎, 又有得玩, 又有得用, 十皮認真抵!
2000年7月15日
今日真係香港一天遊, 由銅鑼灣去彩虹, 再由彩虹去上水, 上水去屯門, 再由屯門番屋企,淨係搭車都用o左三四個鐘 ...... 今日場波都幾好睇, 不過, 大家都有少少燥,點都好啦, 總算嬴o左嘛! ...... 一年一度o既家庭大食party又o黎, 成四十人塞晒入一間屋,大熱天時打邊爐, 真係熱都熱鬼到你死, 不過成家人咁樣久不久玩一次又無咩問題o既.= )
2000年7月18日
心情其實已經比早果排好o左好多, 有時D o野, 其實睇開少少已經覺得心情好D,唔需要太計較人o地點樣睇你, 自己覺得OK咪得囉...... 個人東一忽, 西一忽o既做o野方法真係唔係好掂,一定要改晒呢D咁o既壞習慣至得, 但係次次都係無恆心, 死未? ...... 已經五日無正正式式咁同屋企人食過飯, 真係覺得唔好意思, 不過又無辦法, 事實上D o野又真係做唔晒, 一定要efficientD先得!
2000年7月20日
今日o係公司真係好凍, 著o左成三件衫都係o岩o岩好咋! 真係好驚再病過......公司又有人生日, 又有蛋糕食, 好味...... 放工果陣見到一對好似樣o既姊妹,
唔知點解,好自然咁望多兩眼, 之後o諗番o下, 真係幾無禮貌, 但係佢
o地兩個個樣實在太似喇! 下次一定唔可以咁失儀...... = P
2000年7月21日
晏晝果陣睇住自己打爛個飯盒, 唉, 又打爛一個飯盒, 已經係第二個. 第一個係人o地幫我洗o野果陣打爛,今之就輪到自己, 攪到成個下晝都無晒心機, 因為我真係好鍾意果個Snoopy飯盒o架!好沮喪...... ~_~
2000年7月22日
今日終於可以去唱K, 一直都好想去, 但係實在唔得閒, 要等到星期六下晝先去得.不過唱得唔高興, 因為無情情話部電腦down o左, 停o左成半個鐘, 之後又斷斷續續停o左一陣,大家千祈唔好去銅鑼灣廣場果間Neway!!!!!! ...... 之後又去o左書展, 果陣成六點,本來o諗住要排成個鐘就唔去, 但係原來有人可以借到pass唔駛錢入就梗係去啦!好在擒日著o左件勁sharp o既橙色衫o者, 如果唔係都幾難撞到比飛我o地果個人.......話時話, 我都未試過咁樣憑一個電話同一件衫認人, 不過大家o既衣著都比較容易認,加埋我o地又三個女仔, 一定認到啦...... 六點去到, 足足行到成十點幾, 人o地唔話收工,三隻o野都唔肯走, 不過我都唔係買o左好多o野56o者! 買o左五本Snoopy書, 四條Snoopy毛巾同埋少少SnoopyD濕碎o野之嘛!......
2000年7月23日
好難得先等到星期日, 訓到成點幾先起身, 鬼唔死咩, 擒日足足行o左成四個鐘......起身食完飯, 睇o左一陣Snoopy書, 之後又訓, 訓到成五點幾, 日日係咁就正囉!
2000年7月24日
今日有兩件事令到我覺得好沮喪, 一件係無情情比人一盆冷水淋落o黎, 攪到你心情差到跌到落谷底,你唔犯人, 人o地都係會無情悄犯到你, 攪到你唔開心, 死忍, 又唔發得火; 第二件事就係行到腳都軟埋,都買唔到一個o岩心水o既Snoopy飯盒, 天呀! 好在仲有一個cheap cheap o地o既頂住檔先...... ~_~
2000年7月26日
用o左個新o既Snoopy飯盒, 但係始終都覺得個飯盒唔靚, 只不過係頂住檔先,遲D再買番一個靚D o既...... 放工之前有人o黎開會, 真係名副其實o既"死神來了",真係攪到自己好down, 好彩約到Judith姐行o下街, 先開心少少...... 唔知大家有無睇過"幽遊白書",竟然有人話我個頭似"幻海婆婆"喎! 開頭o諗, 死喇! 似阿婆喎! 後來多得Judith姐提醒,其實幻海婆婆後生果陣都好靚o架! = P
2000年7月27日
幻海婆婆今日o既心情已經好番少少, 不過硬係無心機做o野, 真係好擔心會比人炒......
2000年7月28日
o係幻海婆婆心情唔好o既時候, 大家千析唔好惹我, 反而等我一個靜靜o地坐o下會好DD,如果唔係我會乘機發作, 到時仲衰, 都唔明自己EQ點解咁低, 人o地一睇我個樣就知道得開唔開心,甚至乎o係個心o諗緊D咩...... 放工果陣搵到個web o既Snoopy cursor, 真係好得意o架!我一定會放o係呢度 = )...... 無意間又撞到一個唔係太熟o既同學, 我個樣同讀Form5果時差咁遠佢都認得, 勁!...... 發覺原本自已安慰人真係好差, 講o黎講去都淨係識幾句安慰人o既說話,可能人o地會覺得我老土, 但係我真係唔識安慰人, 真係好唔明點解有D女仔咁識安慰人,唔怪之得有D女仔咁得人鍾意喇! = P
2000年7月29日
今日買o左隻泳衣Snoopy, 加埋個夏威夷花o既水泡, 真係正到不得了, 行行o下街都忍唔住要拎出o黎玩o下......行街果陣乘機磅o下, 嘩! 死喇! 肥o左成磅呀! 點算好呀? 過幾日仲要食成個月麥當勞換狗同換車,點算呀? 實肥死...... 唔制呀!
2000年7月31日
近排心情好番少少, 希望以後可以順順利利...... = )
2000年8月1日
人o既情緒變化係無人估得到o既, 可能上晝仲好o地o地, 下晝又係另一回事,真係好難講, 好似天氣一樣變化咁大o架!
2000年8月5日
呢兩日要擺booth, 真係一放工就好似死o左咁, 對腳又企到軟晒, 今日先第二日咋,陰公! 聽日仲有一日呀! 不過擺booth都好, 睇多少少o野, 有多D經驗嘛! 不過一番到屋企就想訓覺,擒日十一點都未夠就訓o左, 都好耐未試過lu......
2000年8月6日
擺booth雖然係辛苦, 但係原來好值得, 因為係無形中會見多好多o野, 學多好多o野,就好似今日咁, 比我亂打亂撞, 咁就撞到呂婉瑩呀! 不過o係問佢o既身份, 同埋介紹自己(其實係無咩點介紹過自己)果陣真係覺得好冒昧.好唐突o架!...... Expo終於完o左, 真係幾辛苦, 不過都覺得幾值得, 唔知點解,近排每有一件事做完, 都有少少失落感, 唔知其他人有無類似咁o既感覺呢?
2000年8月7日
今日同人講開, 先發覺原來自己好感情用事, 可能係因為咁令到自己好唔客觀咁睇一件事,真係要反省反省...... 講開一大堆曾經令到自己開心同唔開心o既事, 發覺自己原來好容易唔開心,亦都好容易開心, 係咪人人都係咁, 我真係唔知, 不過有一樣o野都唔知係好定唔好,呢樣o野就係樂觀, 太樂觀會令到人睇一件事睇得太簡單, 唔得深入, 另一方面又覺得樂觀D開心D,真係好矛盾...... 又有人話比我聽今年會樣樣o野都好順利, 係唔係真我唔知, 不過我都覺得幾開心o既, 有邊個唔鍾意聽好說話o者! 最緊要就係做得好D, 一定要做得好D, 要谷底反彈至得!...... 希望九月尾快D到, 我好想去旅行呀!
2000年8月8日
原來去一間好普通o既舖頭食o野, 會令人覺得好開心, 真係意外...... 唔駛食麥當勞,都可以換到Snoopy, 正! 真係好想換多一套番公司擺...... 今日著得好pro呀, 抽住個好proo既袋o係銅鑼灣行, 真係覺得自己似番一個OL...... 日日都經過哈哈哈茶餐廳,聽人講話有小強, 我就真係無見過, 亦都好少去, 不過我好鍾意佢個名, 因為你每一次講呢個名o既時候,個口形就好似笑緊, 好開心咁...... 死喇, 離題添, 都好似唔係好知自己講咩...... 留得D手甲太長, 篤落個keyboard到硬係覺得唔順手, 不過又一定要留, 真係成日都想剪,我o諗得已經無第一個做千金小組的條件, 人o地個個都十指尖尖, 我就十指掘掘,留o下手甲又好似阻住自己做o野, 睇怕一世都要自己捱......~_~
2000年8月9日
心情好, 大家好! = P
2000年8月10日
心情都唔錯, 不過個人就成日好似好眼訓咁. 其實得都唔係好夜訓o者, 點解成日都會覺眼訓o既?都唔知做咩事.
2000年8月11日
今日有少少唔開心, 因為原來有人唔信我...... = (
2000年8月12日
今日睇o左麼麼茶啦, 真係幾好笑喎! 本期推介...... 不過, D劇情又有D脫離現實,邊有一個好似任賢齊條件咁正
o既人, 可以咁有閑情去渡假喎......
2000年8月13日
沙田巴士團一天遊......
2000年8月14日
今日一朝早就見到個後生仔抽住個粉紅色"蝦毛mimi"(Hello Kitty)o既大袋,未訓醒都嚇醒!!!...... 為o左副黑超行
o左咁多次, 終於買o左副粉紅色超, 本來好開心, 點知到走果陣, 入錢落張八達通果陣,居然食o左我張一百蚊喎!!! 激鬼到得死呀! 等o左咁耐先有人幫!
真係認唔住講o左兩次有無攪錯!本來人o地買o左副新超好開心家嘛! 攪到我又比人抄低身份證鬼咁尷尬! = (
2000年8月15日
早睡早起, 十點鐘上o左床訓覺, 早睡早起精神好(8月16日).
2000年8月17日
本來心情好好o地, 換多o左一隻水手look Snoopy, office全部都係Snoopy, 但係放工果陣又突然間撩起D唔開心
o既o野, 又唔開心, 真係幾乎喊咁滯......= (
2000年8月18日
心情唔多好, 連我最鍾意行街買o野呢個辦法都醫唔好我o既唔開心, 唔掂......去o左Hello Kitty食o野, 其實我真係唔鍾意Kitty, 仲要係一見到Kitty即刻咦咦聲果隻,不過果度D o野幾好飲, 又唔係太貴...... 突然間o諗, Snoopy餐廳快D開就好喇,Snoopy公園就快開喇, 就快放大假去旅行喇! ......
2000年8月19日
天氣實在太熱喇, 都係去冷氣o既商埸行o下街好喇......= P
2000年8月21日
心情幾好...... 有人送o左隻Snoopy杯比我呀, 黃色o架, 幾襯得今日件衫! =)
2000年8月22日
聽日就係工作一周年, 咁就一年, 有悲有喜......
2000年8月23日
今日就係工作一周年, 居然覺得好平淡, 唔係話特別開心不特上, 仲要衰到好想喊(但係我無喊到),都唔知做咩鬼o野. 究竟我做o左o野一年, 我究竟想點? 真係唔係好知, 唉..................................................
2000年8月24日
今日下晝五點零鐘, 開完會之後, 突然間覺得好迷茫, 唔係好知自己做緊咩,都唔知做咩鬼o野事...... 有人請食飯, 可以四個人坐o係度, 吹o下水, 鬆番o下,食完之後番到公司, 做o野都做得快DD, 完來食餐輕鬆o既飯, 就可以令到自己開心D,以後唔開心o既時候一定要比自己食得好D至得!
2000年8月25日
多謝請我o地三個食飯果個人.......
2000年8月26日
落鬼咁大雨, o諗住著短褲一定無衰, 點知番到公司無落雨, 激鬼死..... 就快去旅行,少不免都要睇o下行程, 原來真係幾煩, 又要夾價, 又要夾服務, 真係好似以前讀書咁,不過o諗落有得放o下假, 鬆番o下, 都覺得值o既! = )
2000年8月27日
買o左部PS2成兩個月, 借過比人玩, 而家終於可以自己玩番, 真係好, 不過原來自己打機o既技術認真麻麻,一定要多多"練習"至得! = P
2000年8月28日
今日有唔開心o既o野, 亦都有開心o既o野, 唔開心可能係自己睇唔開啦, 開心o既係自己竟然可以一語中的,真係犀利!
2000年9月2日
今日本來心情都唔錯, 報名去旅行喎, 有咩唔好o架, 不過硬係每次我覺得開心果陣,實有D o野唔係好順, 今日就係一個好例子, 加埋個人又有D唔妥, 真係唔掂......去到報名, 兩個女人刨完行程之後, 又o係間旅行社度不斷講, 不斷笑, 人o地唔識我o地o既話,一定以為我o地係第一次去旅行, 大鄉里出城...... = P
2000年9月8日
個肚都唔知做咩鬼o野咁痛, 攪到成個人都無晒心機......~_~
2000年9月11日
個肚始終都係唔舒服, 結果又要比錢醫生賺......
2000年9月12日
跳跳紮紮遊山頂, 都係有多個伴好DD......買o左個小飛飛襟章, 真係好得意o架,仲要淨係得山頂先有得賣, 咁至難得...... 去完山頂之後去o左睇戲, 今年中秋比較特別!= ) ...... 頭先(9月13號凌晨2點幾)有班人打電話比我呀, 初頭仲以為係變態佬,原來係成大班同事一人一句打比我, 其實都好嘈, 都聽得唔係好清楚佢o地講咩,不過佢o地都好有我心囉! = )
2000年9月16日
臨放大假之前仲要番工, 硬係有D唔放心, 結果都係做到成五點至走, 走之前又要留低我D公仔比D同事照顧......去旅行之前隻眼又發炎, 又唔戴得con, 又可能唔玩得水上活動, 唯有乖乖o地食藥,希望快D好番啦!
2000年9月17日
就去旅行, 執o野都用o左幾耐時間...... 大家要o係五日之後先見到我lu! =)
2000年9月28日
去完旅行之後都有成十日, 到而家先有時間寫日記, 講番今次去旅行, 真係好開心,除o左可以買o野, 可以見多D o野之外, 又可以識到幾個o岩key o既團友, 仲可以比我無牽無掛咁鬆番幾日,早排做o野成日都做到發脾氣, 去完旅行之後個個都話我心情好, 旅行呢D錢, 真係一D都唔慳得...... 去完旅行番o黎之後依然係要做o野, 但係已經覺得有目標. 有方向o左好多, 覺得以前自己好o徙時間,由而家開姑有planning, 開始plan o下自己o既前途, 報course係我第一樣想做o既o野,我仲會好勤力咁番工. 好勤力咁搵錢去下一次旅行o黎呀! 第一次真真正正咁用自己平日做o野賺番o黎o既錢去旅行真係好爽o架! 總之一句講晒, 好開心啦! ...... 今日又見到楊生, 終於有機會爹多兩句, 原來呢幾年大家o既變化都好大,唔講唔知, 原來佢仲識得我另外一個同事, 原來真係有咁橋o既事......
2000年10月2日
呢幾日話就話放假, 其實就真係無咩點停過就真. 星期五果晚要趕起埋D o野o係假期前比老細,成十二點先走. 星期六同阿基farewell,
去o左唱K, 又唱又叫, 把聲沙晒. 擒日又去o左海洋公園,同班團友玩o左新過山車同埋其他機動遊戲, 又慘叫又講笑, 把聲越o黎越沙, 仲要去睇煙花,
又叫, 把聲再沙. 之後又同我o地個香港領隊去飲
o野, 又吹水, 之後又去食宵夜, 加埋又唔夠訓, 今朝把聲好似隻牛咁, 好在今日有得真真正正咁休息番一日,如果唔係聽日番工就嚇親人喇! = P
2000年10月3日
今日番工好似遊魂咁, 本來都好好o地, 突然間老細叫我send個file比佢, 先至發覺原來自己果晚做到成十二點o既o野居然無save果陣, 真係完完全全清醒番. 好在有份hard copy o係度, 不過都死啦, 無情情又做多一次......~_~
2000年10月11日
近排番工都好似遊魂咁, D同事都忍唔住我係咁, 出聲話我......屋企個mon已經壞o左好多日,都未有時間整, 好耐未玩過ICQ...... 又要留o係公司做o野, 又無屋企飯食, 爸爸媽媽去o左旅行,好慘呀!
2000年10月17日
呢排又開始多o野做番, 去完旅行三個禮拜又打回原形...... 每一日都拖住一條疲乏o既身軀番屋企,就快連屋企人都唔認得我...... 做o野得辛苦, 一個人搭地鐵果陣, 真係挨o左o係塊玻璃度幾乎唔知醒起身,如果唔係冷氣凍, 一定會訓著, 如果地鐵果度有個枕頭, 有張被, 我真係會就咁訓著o左...... 天呀, 十一月就要番學, 比我過番一個月正常生活, 早睡早起得唔得呀? 一係就得閒死,一係就忙死, 唔制呀! 我聽日一定要去唱K呀!
2000年10月21日
早果幾日真係做o野做到癲o左, 同一份o野, 由version 1改到version 8, 你話死未?!足足做o左五日, 呢五日唔單止唔夠訓, 仲要失魂到落o左一隻con都唔知, 配番右眼又唔見幾百,真係想叫公司claim番錢...... 今日終於有得抖抖, 正!
2000年10月24日
上個禮拜咁辛苦, 梗係要買番D o架獎勵o下自己啦! 星期日同"象叻"行街果陣,一口氣, o諗都唔駛o諗就買o左一件褸同埋一件冷衫, 好耐都未試過咁盡情喇! 正!不過o諗番而家咁熱, 件褸又係膠做, 冷衫又係樽領, 都唔知幾時先有得著, 睇怕唔到十二月,得番十度八度都唔掂! 死啦, 咁買法, 下個月又要出電話, 仲要找番今個月o既咭數,唔掂唔掂...... 講開咭數, 居然聽到有人成八千幾蚊o既咭數都無辦法找, 真係唔係好明點解佢o地會駛咁多錢,駛到無剩錢不特止, 仲有咭數等住要找...... 近排又開始得閒番少少, 真係好啦,終於可以抖抖, 好想去唱K呀......
2000年10月25日
已經過o左禮拜三, 個人仲係遊魂, 死未?...... 今日又比同一個人玩我, 真係要o諗o諗計點樣玩番佢先.....收到一個friend o既電話, 一個email, 真係覺得D時間過得好快, 呢兩個friend我好耐都無見過喇,以前同佢o地一齊果陣都唔係咁覺, 而家先知以前o既friend係咁好o架! = )
2000年10月27日
感冒, 真係好辛苦, 呢排都唔係好妥, 原來就係感冒. 其實由上個禮拜開始,已經覺得唔係好妥, 一直"柄"到尋日, 真係好頭痛, 結果今日都係番唔到工...... 突破間o諗起湯寶如隻歌, "時間令痛苦都醫好, 戀愛斷斷續續像感冒......
2000年10月29日
呢兩日食o左D感冒藥個人好似死o下死o下咁, 唔係好知自己o係度做咩, 好似傻o下傻o下咁......
2000年11月5日
又開始流鼻水, 死喇, 又作傷風......訓足一日, 叉足電, 正...... o岩o岩過o左果個禮拜,去o左兩次K, 真係咩歌都唱過晒咁滯...... 近排有好多個friend都唔開心, 希望大家快D開心番喇!
2000年11月8日
近排身邊o既成日都唔開心, 都唔知咩事, 希望佢o地心情快D好番喇...... 做o野o既時候渾渾噩噩,硬係力不從心, 究竟我可以點先可以振作番, 有番心機做o野呢 我都係唔知道......天呀!
2000年11月20日
今日番工硬係無心機, 結果又比老細詐型, 遲D仲要番學, 又番學, 又番工, 真係o諗起都好難頂......希望快D重新振作!!!!唔好再遊魂!!!!!
2000年11月21日
放o左工去o左中環, 行過一間好耐都未去過o既cafe, 突然間真係o諗起好多o野,o諗起年幾之前o既事, 真係好似過o左好耐, 但係仲記得好清楚...... 之後又由天橋行番去ExchangeSquare搭地鐵, 一個人行, 好凍. 好靜, 又o諗番好多o野, 但係都係唔開心o既事多D,究竟我幾時可以開心番D呢? 睇怕o係呢一兩個月都好難......
2000年11月26日
無心機, 無精神, 聽日又要番工. 又要番學, 真係o諗起都想死.....
2000年12月7日
近排心情真係好反覆, 有時會突然間好開心, 有時就會覺得好down, 可能近排太多o野要o諗啦,不過, 一個禮拜七日, 五日半要番工, 兩晚要番學, 都好似無咩時間o諗D無無謂謂o既o野......近排見到身邊o既同事個個都o係度織冷衫, 我其實都想織條頸巾o架! 不過織織織,織完一大輪之後又唔會戴果條頸巾, 結果都係得出一個結論, 都係早D訓喇, 不過如果有人買埋冷比我織,又唔怕我織得肉酸o既話, 都可以比我織既...... = P
2000年12月12日
今日硬係覺得唔妥, 請o左一日假, 都好o既, 抖o下囉, 都做o左成年幾o野, 迎來清閑D,咪抖o下囉!
2000年12月20日
決定離開而家呢間公司, 真係一個唔容易做o既決定, 但係事實上真係做得唔開心,個人跌到去最低點, 無心機做o野, 無理由個個月白逗人工, 自己都過唔到自己果關. 真係覺得好唔開心, 我o諗o係過去果廿幾年裏面, 最唔如意. 唔順利都係今次, 就當係一個經驗啦!自問平時唔係一個衝動o既人, 但係今次真係控制唔到自己有咁大o既反應. 覺得好無奈,咩辦法都無晒o既時候, 唯有快刀斬亂麻啦! 其實都唔知屋企人會有咩反應, 但係o係呢一刻最想做到o既,就係令到自己覺得開心D, 唔想再成日死o下死o下, 愁眉苦臉, 對自己同身邊o既人都唔好......希望唔開心o既日子快D過去啦!
2000年12月25日
今個聖誕節真係過得唔係太開心, 始終都覺得未搵到o野做呢個未知數令到自己覺得好煩.其實已經計劃好以後條路應該點行, 但係未搵到一份新工之前, 始終都有一種好徬徨.好唔安全果種感覺. 同身邊o既人講o左好多好多次, 真係好多謝佢o地聽我講咁多廢話......今次唔單止自己唔開心, 仲要令到身邊o既同事唔開心, 動不動就因為好小o既事發脾氣,攪到其他人都唔開心, 知道自己咁樣唔o岩, 但係真係控制唔到自己...... ~_~ 今日同傻婆Dilys.Brenda同Carol食飯, 我同Carol明顯無咩心機, 從來都未見過Carol咁唔開心, 今次真係第一次.又係為o左做o野而唔開心, 希望新o既一年o黎到之後, 大家開開心心就好喇! = )
2000年12月27日
今晚去o左同Anita行街, 硬係無咩心情, 攪到Anita好無癮, 但係今日真係無咩心機,純粹係自己心情唔好, 唔關人事....... 講開今日唔開心, 其實都唔太關人事o既,都係自己o既問題, 總之一句, 希望快D搵到份新工啦!
2001年1月4日
近排真係好唔得閒, 又要搵新工, 又要做功課, 又要in, 又要聚舊. 一個人,每日只係得廿四個鐘, 手就得一對, 人就得一個, 要做咁多o野, 真係覺得時間好唔夠用,但係又覺得幾充實喎, 真係奇...... 新年願望...... 快D搵到份新工, 最好就順手搵到個好老公啦!= P
2001年1月17日
本來今日見番D舊同學會好開心, 但係就最怕佢o地不停咁問我D我好唔鍾意再提o既事,可能自己死穴特多o掛, 有時真係o諗, 如果佢o地再係咁, 我以後一定唔會再出o黎同佢o地食飯,費事去完之後自己又唔開心啦! = (
2001年2月1日
今年新年真係食到好滯, 好在飲得茶多先無咁唔舒服...... 今日終於有得in,都幾耐無in過, 希望今次in得成喇!...... 好耐都無update過個homepage, 原來都有好多人睇過,其實都好想知邊個成日會上o黎睇o下我個homepage, 因為可能大家見面唔多, 唯一可以比大家知道我而家o既近況就係靠呢度, 所以希望邊位成日有睇呢一頁, 而我又好耐無見過o既朋友, 希望可以 e個貓比我,約出o黎食餐飯啦!!
2001年2月24日
終於攪得掂部電腦上網, 真係好啦, 無得上網, 搵工真係好唔方便...... 講開搵工, 呢排都唔知做咩鬼o野, 成兩個禮拜無in過, 真係邪到你唔信, 都唔知幾時先搵到份新工, 想去旅行, 又無伴, 唔掂唔掂, 大家得閒就約o下我啦, 最得閒就係呢排, 遲D要番工, 又唔得閒, 所以大家最好就而家約我去食飯, 得閒e個貓比我啦!
2001年3月13日
本來有份工等住自己做, 但係又真係覺得自己唔係好適合, 所以唔做. 有時真係好驚miss o左一個機會之後要等到幾時, 不過真係好想搵一份自己有興趣做o既工. 其實都in過一份自己好鍾意o既工, 不過硬係無消息, 真係無計...... 都好耐無update過呢度, 希望下次再同大家o係呢度講o野o既時候會有好消息話比大家聽啦!
2001年3月22日
有時D o野真係好橋, 好似今日咁, 個agent call我話有份工o岩我, 問我有無興趣, 一聽原來係自己之前都in過, 仲要係second
in o添, 真係好down, second in完都唔請, 真係好唔明 ~_~......
2001年4月6日
尋日去o左Snoopy公園啦, 不過真係好多人, 尤其是細路仔, 張張相後面都有好多人...... 睇番尋日影果D 相, 真係有少少唔掂, 個眼圈黑到呀, 成隻大熊腦咁, 都唔知點解, 訓極都係咁黑, 下個禮拜開始要番工, 唔可以訓得咁多, 個眼圈真係黑上加黑......2001年4月10日
番o左工兩日, 真係多o野做到傻, 一路要學, 一路要做, D o野又亂, 真係做到好無心機, 個位又o係無敵死角, 又凍, D同事又成日都唔o係度, 真係悶到痴線. 不過今日聽o左briefing, 又發覺有D benefit都唔錯, 最正就係每三個月有bonus......2001年4月16日
話咁快就放完四日假, 聽日又要返工, 又要做到死. 不過呢個四月都好, 都幾多假放, 如果唔係就真係頂唔順...... 番o左四日工, 都未叫好習慣, 真係唔知自己吸收能太低, 定係真係太多o野做, 硬係好似唔知點咁, D同事問我做咩唔講o野, 其實唔係我唔想講, 係太多o野做, 加埋又坐o係無敵大死角位, 前面果兩個sales又成日都出o左去, 我都唔知同邊個講好. 希望聽日會係一個好開始啦!2001年4月23日
今日成個下晝都好唔開心, 因為唔係自己錯, 而係"硬食". 我都仲係新入去做, 唔夠膽駁老闆, 但係個心真係好唔開心, 覺得點解唔係自己錯都要話我. 工作上無晒滿足感...... :.(2001年5月2日
有時D o野真係變得好快, 上個禮拜仲呻緊做得唔開心, 同D同事唔o岩傾, 今個禮拜我就開始番份新工, 真係講都唔信, 世事就係咁出人意表...... 講開番新工, D同事個個都幾好人, 應該會係一個好開心o既工作環境. 今日特登著番套裙番工, 但係依然有人估我得十八歲, 都唔知係話自己保養得好, 定係話自己個樣好白癡, 成個死靚妹咁. Anyway, 第一日番工都幾OK喎! 希望日日都係咁啦! = )2001年5月11日
唔經唔覺, 已經o係新公司做o左成兩個禮拜, D同事對我都幾好, 又好玩, job nature又係自己鐘意o既, 所以都覺得幾好. 唯一一樣唔係咁好o既就係o岩o岩o黎做, 未有咩大o既project可以自已跟囉! 其實我都想讀番D Marketing o既course, 因為自己Marketing o既sense真係無咩, 真係要讀D course補補佢.2001年5月13日
訓足一整日...... 正2001年5月17日
無驚無險, 又過o左一個禮拜o既一半, 真係快...... 開始習慣而家o既工作環境, D同事對我都好好, 好玩得, 不過暫時都未有o野係自己獨立跟, 有少少遺憾, 希望遲D就有啦...... 聽日會同以前D暑期工同事一齊食飯, 真係好耐未見過佢o地喇, 真係好懷念以前番學讀書o既日子, 無咩大壓力, 暑假搵份temp o既工做o下, 賺o下零用錢, 真係好開心. 唔知點解每一次見番以前D朋友, 都好不自覺咁o諗, 唉, 真係老o左喇...... 講開老o左, 過多唔夠十日又大一歲, 想唔認老都唔得......2001年5月21日
呢幾日真係發生好多事, 令到成日都傻o下傻o下o既我都知驚. 咁大個女都未試過老豆突然間病到要入院, 一時間真係好驚, 明明之前果晚食飯都好地地, 點知一朝早就唔舒到到起唔到身, 睇到佢咁樣, 真係好擔心. 呢幾日個心都硬係好唔安樂, 唔可以習中精神做o野 = (...... 年年o既生日願望都係為自己許, 今年就好唔同, 我最想就係個個屋企人都健健康康, 開開心心就好喇!2001年5月28日
今日又老一歲喇, 不過今年o既生日真係老得好開心喎! 好多人同我慶祝呀, 有舊朋友啦, 亦都有一班新同事, 真係好開心. 一句生日快樂, 已經好開心. 今年o既生日願望, 唔係為自己許, 而係為屋企人許, 希望個個都健健康康, 開開心心. o係度真係要多謝晒關心我o既朋友, 多謝各位比我老屈請食飯. 送o野比我. 比我窒. 比我玩. 同我玩. 希望大家都可以開開心心啦...... 再o係度祝各位5月28號出世o既朋友生日快樂, 健健康康, 總之就心想事成啦!2001年5月29日
今日有半日假放, 好似好快就過o左一日咁. 不過今日有開心o既事, 亦都有唔開心o既事. 硬係覺得自己做樣樣o野都係做得好馬虎了事, 每一次都話要改, 但係都下唔到決心. 今次一定要改! 改! 改!...... 過o左expo已經兩日, 但係依然開唔到聲, 尋日都好少少, 至少講o野都唔會走音. 今日把聲沙晒不特止, 仲要講到走晒音, 自己都覺得自己講o野把聲好難聽, 睇怕呢個月都唔可以去唱K...... =P2001年5月30日
放半日假真係好正, 好似做幾個鐘就可以收工咁. 不過幾個鐘頭對於我o黎講真係唔係好夠用, 尤其是今日, 落到鬼咁大雨, 等停雨去配番隻con已經成個鐘, 落咁大雨, 真係討厭!...... 講開配con, 真係激死人呀, 半年配兩次con, 等如配番一對全新o既, 都唔知點解自己咁大意, 激死人喇!!!!!!2001年6月3日
忙完兩個禮拜, 終於有一個星期日可以放o下假, 留o係屋企抖抖, 好衰唔衰, 又感冒, 成個人無晒心機, 無晒力, 好似擔o左十包大米咁, 總之一日到黑都係想訓多D, 身心都咁疲累...... 唔經唔覺o係新公司已經番o左一個月喇, 除o左小部份人之外, 個個同事都對我好好, 又玩得, 吹水又得. 好似上個禮拜咁啦, 咁o岩撞正生日, 佢o地同我食飯, 雖然係月尾, 只係食雲吞麵, 但係都係一份心意, 證明有人知道我生日, 同我講聲生日快樂, 對於我o黎講, 已經好開心啦!2001年6月11日
已經成個禮拜未o係度發過嗡風, 真係好掛住大家, 嘻嘻...... 上個禮拜呢, 無咩特別o既事發生, 只係有一件事令到我覺得呢個世界好唔公平囉, 有D人擁有多過自己所需o既資源, 直頭多到用唔晒; 有D人呢, 就咩資源都無, 真係好唔公平...... 大家知唔知我o係度講緊咩呢?...... = P2001年6月15日
今日同D同事講開, 真係覺得好o岩, 佢o地話, 一過o左廿歲之後D時間就會覺得好快, 唔覺唔覺又會成卅歲! 真係o岩痺呀! 雖然我都係過o左廿歲無幾耐 (= P), 但係都好認同呢個睇法! 聽到有人話廿一歲就註冊結婚, 真係覺得不可思議!...... 講開年齡, 今日見到個人, 睇落成卅歲, 嘩, 原來佢得廿八歲咋! 真係"成熟"到呀, 直頭係"熟晒"呀! = P...... 又講開人, 有D人真係衰到呀, 邊有人咁衰o架, 呃完人o地之後仲要話人o地蠢, 真係無品呀! 可能大家唔係好知我講咩, 不過都唔緊要啦, 當比我o係度呻o下啦!2001年6月16日
今日本來有得放o下假, 點知臨時臨急又要去旺角幫手, 半日假期同休息時間, 咁就無晒. 不過無法啦, 你幫人, 人幫你, 都係算啦...... 不過最慘就係今日著o左對唔舒服o既鞋, 自己重要衰到明知腳痛都要行一陣街, 番到屋企想唔腳腫都難啦! 下次都係唔好要靚唔要命lu! = P2001年6月18日
今日去o左配副新o既有框眼鏡, 其實都唔係成日戴, 不過舊果副成日都甩塊鏡片出o黎, 都係配番副新好D. 呢副新眼鏡對於我o黎講都幾fresh o架, 都可以話係配con之後又一巨獻, 總之大家就要拭目以待啦! = P2001年6月20日
覺得自己做o野真係好慢, 老細好似有D唔like, 一定要做得快D, 但係我又真係第一次出稿, 都唔想做得咁差o架!...... 講開做o野, 而家做o既o野真係好challenging, 因為一個好似我咁o既電腦白癡, 居然要test隻新product, 試得D function唔徹底, 又怕累D sales比客話, 都幾有D壓力...... = (2001年6月24日
放假最好o既活動係咩? 之唔係訓覺啦! 訓覺可以令人精神D, 皮膚又好D, 錢又駛少D, 總之就係好啦! 所以大家唔好投訴我成日都唔出街喇喎, 因為我想皮膚好D嘛, 出面條街又熱喎......2001年7月1日
尋日去o左開大食玩, 有得玩. 有得食. 有得睇魔術. 又有得見番班舊朋友, 真係好難得, 我仲學識o左將用波扭o左隻老鼠o添呀! 原來真係好好玩o架...... 見番D舊朋友, 真係好開心, 同時亦都覺得大家都變o左好多, 同三年前一D都唔同, 點都好啦, 今次真係好難得約番咁多個舊朋友出o黎...... 除o左呢件事之外, 我仲有好消息想同大家講o架! 呢件事就係我出年會搬啦! 其實講開搬屋, 心情真係有D矛盾, 因為而家住o既地方實在太方便喇. 空氣又好. 又可以睇到維多利亞港o既海景, 真係有錢都未必買到咁正o既樓, 加埋又住o左咁多年, 真係有D唔捨得. 但係而家住o既地方實在太細, 新屋大D, 大家都可以住得舒服D, 都應該開心o既! = )2001年7月3日
今日都無咩特別o既, 係多o野做D囉, 呢排成日都o諗新屋o既事, 個人都好似無咩時間真真正正咁休息, 希望快D有個假放放就好喇......2001年7月6日
本來o諗住打風點都會有一日假放, 知偏偏到三點鬆D有人call要番工, 真係極之老土!...... 近排練成百忍成金術, 比人無情情咁鬧完之後都可以當無事繼續做o野, 有無人可以做到!?..... 仲有o野要呻呀, 其實都係果句, 就係"點解呢個世界咁唔公平呀!? 點.......解......?!" = (2001年7月9日
超多o野要做, 好辛苦呀......2001年7月11日
本來o諗住今日平平穩穩過一日, 回偏偏三點幾鐘就有人失驚無神打o黎公司, 嚇到我死咁滯, 總之希望快D小事化無......2001年7月12日
小事而家開始化無...... 今日見到好多人啦, 有識o既, 有唔識o既, 有唔熟o既. 識o既呢, 就係一個識o左好耐o既中學同學啦, 仲有一個好耐無見過o既另一個中學同學啦, 加多一個小學同學啦. 講開果個好耐無見過o既中學同學, 見番真係有一見如故o既感覺, 好多o野傾. 至於果個唔識o既人, 係第一次見; 唔熟果個呢, 無情情會搵你囉, 但係都係第二次見咋喎....... = P2001年7月15日
訓o左好多, 訓極都覺得唔夠...... 心情唔係好好, 加埋出面又落雨, 更加覺得煩...... = (2001年7月16日
近排熱到死, 居然有人叫去燒o野食, 唔好預我......2001年7月19日
發覺呢排真係好鬼死大頭蝦, 一定要改...... 本來夜晚番學係一件好辛苦o既事, 但係竟然有個好鬼馬o既"爸爸"講o野引人笑, 你話正唔正呢? 哈哈哈......2001年7月20日
無驚無險, 又過一天......正!2001年7月23日
又係無驚無險過一日, 都幾好...... 近來成日都撞番D舊同學, 有小學同學啦, 又有中學同學喎, 真係好難得. 睇怕第時搬o左之後都好少會有咁o既機會喇!2001年8月28日
部電腦壞o左成個月, 終於都醫番好喇, 真係好, 近排硬係覺得唔開心, 有番部電腦, 起碼可以比自己update番呢度, 發o下牢騷都好. 今日都唔知做咩鬼o野, 到o左放工果陣硬係好似好down咁, 落雨天, 硬係心情唔好, 點解呀?2001年9月4日
近排清閒o左少少, 真係好正呀! 鍾意行街. 睇戲, 總之就做咩都得...... 不過人始終都唔可以太清閒, 因為一清閒就會肥, 好似今日咁, 就有人話我肥...... 唔制呀!!!2001年9月8日
尋晚同o左D同事食飯, 一時激動失言, 真係唔好意思...... 今日心情一般, 都唔知為咩, 個心硬係好似唔係好安樂咁, 都唔知咩事, 究竟o黎緊呢幾日會發生D咩事? 有無人可以幫我預測一o下呀?2001年9月15日
近排心情真係唔係好好, 個心成日都心不在焉, 成日都做錯o野, 累到身邊幫我補鑊o既人, 真係唔好意思....... 今日又發生o左D好尷尬o既事, 簡直係出醜人前, 真係好小家. 好肉酸, 以後都唔會再咁失儀......2001年9月16日
今日約o左D舊同事食飯, o諗o諗o下自己都無做成大半年, 居然同佢o地都仲咁friend, 真係好難得..... 尋晚訓得一D都唔好, 攪到今日精神都好差, 心情都唔係太好...... 聽日又要番工, 但係而家都仲係無o黎心機, 真係好唔掂...... 點算好?2001年9月20日
今日真係一日非常之黑o既日子, 唔單止係自己黑, 仲要係連身邊o既人都咁黑. 唯有希望所有o既衰運都快D無晒, 個個都開開心心啦!...... 頭先又有件好攪鬼o既事, 真係覺得自己好粗心大意, 成日都唔覺意做埋D攪笑o既低能o野, 好彩淨係得自己發現, 咁瘀, 真係唔好話比人知...... = P2001年9月21日
越o黎越覺得自己做事唔夠冷靜, 真係一定一定要改!!!
MyFavourite Hacken Lee's Songs至愛克勤正歌
