唔知係唔係個人開始大, 經歷多o左, 就愈黎愈對好多o野唔捨得
開始明白點樣分輕重之後, 對某o的o野就愈o黎愈睇得開...
就好似朋友o甘, 以前既我會好怕冇朋友 (當然宜加都怕啦~)
唔理人o地有冇心同我做朋友, 都會好努力o甘令身邊每一個人開心,
好努力o甘奉承人,
朋友識到一大堆, 當中亦唔少得知心既一班
當時沈溺o向朋友既愛護同歡笑裡面, 真係冇真真正正o甘諗過會有失去既一日...
第一次面對呢種環境, 就係中二既時候, 我搬o左o黎多倫多...
o向呢一次之後, 朋友冇o左一大堆, 但係又識到另一大班
所以, 當初離別之痛對我o黎講唔算好慘
一路玩呀, 笑呀, 喊呀, 癲呀, 鬧呀
又過o左四年幾...
朋友有o黎亦有去, 加加減減
到要升大學既時候我又意識到有o的o野又開始變喇...
至少我其中一個最好既朋友唔可以再好似以前o甘日日同我傾計,
笑呀, 癲呀...
雖然我自覺唔算得上係好堅強, 但係有變就當然要面對啦
平平淡淡o甘又過o左年幾,
不過我面對o左好多o野, 見過好多人, 有o的亦變成"過客"
係 ICQ, 一樣好先進既科技, 亦俾我覺得時冷時熱
唔知係唔係我個人唔夠友善, 定係我俾唔到人一種"好"既感覺?!
我真係冇諗過我會有"一日既朋友"... 哈... 好無柰...
不過... 呢o的都只不過係人生中必經既小部分
我仍然會對其他人好, 繼續識朋友, 做好自已!
今年輪到我入大學喇
嘩...! 好死... 簡直覺得求救無門... 一個自已顧自已既世界...
希望我會生存到啦...
|
