Schola Virtual Pro Interlingua

Il es un "organisation" virtual sin scopos lucrative que ha como objectivo inseniar e diffunder Interlingua - Lingua Auxiliar International, publicate in 1951 per IALA, per medio de:

• Cursos de Interlingua.
• Cursos technic e super alteres subjectos de interesse in interlingua.
• Fornir informationes super publicationes, sites e organisationes in/pro interlingua.
• Fornir informationes super le movimento interlinguista.
• Dar oportunitates a tote nostre amicos interlinguistas a publicar in le internet, lor travalios, opiniones e parve articulos de interesse del publico in general.

Io gustarea, in un futuro non multo distante, veder nostre schola devenir un authentic schola, con multe telealumnos ab varie nationaliates e teleprofessores (voluntari) alsi varie nationalitate pro dar supporte in le lingua materne del alumnos.

Isto es in lineas general, lo que io ha in mente in iste momento.

Io es consciente que isto es un obra monumental, ambitiose e multe difficile de esser executate per un sol persona.

Per iste motivo, io pete adjuta e suggestiones ab tote amicos e amicas; criticas alsi son benvenite.

Io spera que con le adjuta ab totes, nos pote facer un excellente travalio e contribuer pro elevar Interlingua a su meretite posto que es:

• Esser cognoscite e parlate in tote le mundo per le major numero de personas possibile.
• Esser vermente usate in le communication international.

Amicalmente,

Walter Candido de Oliveira

Sitos: Schola Virtual pro Interlingua

.......: Interlingua-Portugese

E-mail: waiveira@telesp.com.br o  wco@uol.com.br